Стывен Джэрард

Стывен Джордж Джэрард (англ.: Steven George Gerrard; нар. 30 мая 1980, Уістан, графства Мерсісайд) — англійскі футбаліст і трэнер, шматгадовы капітан «Ліверпула» і зборнай Англіі. Джэрард лічыцца адным з наймацнейшых паўабаронцаў у сучасным футболе. Звычайна гуляў у цэнтры поля, але часам выступаў на пазіцыі правага паўабаронцы. У Джэрарда ёсць досвед гульні на пазіцыях левага паўабаронцы, правага абаронцы і нават цэнтральнага нападніка. Кавалер Ордэна Брытанскай імперыі (са снежня 2007 года).

Стывен Джэрард
Агульная інфармацыя
Поўнае імя	Стывен Джордж Джэрард
Мянушка	Стыві Джы
Нарадзіўся	30 мая 1980(1980-05-30)[…] (42 гады) Уістан[d], Ноўслі[d], Мерсісайд, Англія, Вялікабрытанія
Грамадзянства	Англія
Рост	185 см
Вага	83 кг
Пазіцыя	паўабаронца
Маладзёжныя клубы
1987—1998 Ліверпул
Клубная кар’ера
1998—2015 Ліверпул 504 (120) 2015—2016 Лос-Анджэлес Гэлаксі 34 (5)
Нацыянальная зборная
1997 Англія (да 16) 5 (0) 1998 Англія (да 18) 2 (0) 1999—2000 Англія (да 21) 4 (1) 2000—2014 Англія 114 (21)
Трэнерская кар’ера
2017—2018 Ліверпул юн. 2018—2021 Рэйнджэрс 2021—2022 Астан Віла
Узнагароды і медалі
Урадавыя ўзнагароды
Медыяфайлы на Вікісховішчы

Клубная кар’ера

Амаль усю сваю кар’еру Джэрард правёў на «Энфілдзе», дэбютаваў у 1998 годзе і зацвердзіўся ў асноўным складзе ў сезоне 2000/2001 гадоў. У 2003 годзе ён быў абраны капітанам «Ліверпула». Разам з камандай ён двойчы выйграваў Кубак Англіі, Кубак УЕФА ў 2001 годзе і Кубак еўрапейскіх чэмпіёнаў ў 2005 годзе.

У студзені 2015 года стала вядома, што Джэрард падпісаў кантракт з амерыканскім клубам «Лос-Анджэлес Гэлаксі», за які пачне выступаць з лета. Прычынай пераходу Джэрард назваў жаданне заваяваць трафеі. 16 мая 2015 года адбыўся апошні матч Джэрарда на «Энфілдзе», у якім «Ліверпул» саступіў «Крыстал Пэлас» з лікам 1:3. Праз 8 дзён апошні раз згуляў за «Ліверпул», калі дапамог мерсісайдскаму клубу перамагчы «Сток Сіці» з лікам 6:1.

У лістападзе 2016 года абвясціў аб завяршэнні прафесійнай кар’еры.

Міжнародная кар’ера

За зборную Англіі Джэрард пачаў выступаць у 2000 годзе, згуляўшы з ёй на чэмпіянаце Еўропы 2000 і 2004 гадоў і на чэмпіянаце свету 2006 года, дзе быў найлепшым бамбардзірам каманды. У 2010 годзе стаў капітанам зборнай, у гэтай якаксці ўдзельнічаў у чэмпіянатах свету 2010 і 2014, чэмпіянаце Еўропы 2012. У ліпені 2014 года абвясціў аб завяршэнні кар’еры ў зборнай.

Трэнерская кар’ера

Улетку 2017 года ўзначаліў юнацкую каманду «Ліверпула» (да 18 гадоў). У маі 2018 года падпісаў 4-гадовы кантракт з шатландскім клубам «Рэйнджэрс» і з чэрвеня стаў галоўным трэнерам. У сезоне 2020/21 пасля доўгага перапынку прывёў «Рэйнджэрс» да чэмпіёнства, пры гэтым каманда не прайграла ніводнага матча ў чэмпіянаце.

У лістападзе 2021 года стаў галоўным трэнерам «Астан Вілы». У лістападзе 2022 года быў звольнены з клуба пасля няўдалага старту сезона.

Дасягненні

Трафеі ў «Ліверпулі»

• Ліга чэмпіёнаў УЕФА: 2005
• Кубак УЕФА: 2001
• Суперкубак УЕФА: 2001, 2005
• Кубак Англіі: 2001, 2006
• Кубак англійскай лігі: 2001, 2003, 2012
• Суперкубак Англіі: 2001, 2006

Асабістыя ўзнагароды

• Лепшы малады футбаліст Англіі: 2001
  • Лепшы малады ігрок сезона 2000/01 па версіі Прафесійнай футбольнай асацыяцыі
• Самы каштоўны ігрок Лігі чэмпіёнаў: 2004/05
• Найлепшы футбаліст Англіі: 2006, 2009
  • Ігрок года сезона 2005/06 па версіі футбалістаў Прафесійнай футбольнай асацыяцыі
  • Найлепшы ігрок сезона 2008/09 заўзятараў Прафесійнай футбольнай асацыяцыі
  • Найлепшы ігрок сезона 2008/09 па версіі Асацыяцыі футбольных журналістаў
• Уладальнік прэміі Ігрок месяца АПЛ (6 разоў — больш за каго іншага):
  • Сезон 2000/01 — сакавік
  • Сезон 2002/03 — сакавік
  • Сезон 2004/05 — снежань
  • Сезон 2005/06 — красавік
  • Сезон 2008/09 — сакавік
  • Сезон 2013/14 — сакавік
• Кавалер ордэна Брытанскай імперыі: 2007

Спасылкі

• На Вікісховішчы ёсць медыяфайлы па тэме Стывен Джэрард