Стэнлі Роўз

Стэнлі Форд Роўз (англ.: Stanley Ford Rous, 25 красавіка 1895 — 10 ліпеня 1986) — шосты прэзідэнт ФІФА. Знаходзіўся на пасадзе ў перыяд з 1961 па 1974 год. Падданы Вялікабрытаніі.

Стэнлі Роўз
англ.: Stanley Rous
прэзідэнт ФІФА[d] 1961 — 1974
Папярэднік	Артур Друры
Пераемнік	Жуан Авеланж
Нараджэнне	25 красавіка 1895(1895-04-25) Уотфард, Вялікабрытанія
Смерць	18 ліпеня 1986(1986-07-18) (91 год) Лондан, графства Вялікі Лондан, Вялікі Лондан, Англія, Вялікабрытанія
Адукацыя	Sir John Leman High School[d]
Род войскаў	Брытанская армія[d]
Бітвы	Першая сусветная вайна
Узнагароды
Медыяфайлы на Вікісховішчы

Кар’ера

Прафесійным футбалістам ніколі не з’яўляўся, пачаў судзейскую практыку ў 1927 годзе з абслугоўвання матчаў ніжэйшых ліг Чэмпіянату Англіі, за судзейскую кар’еру адсудзіў 36 міжнародных паядынкаў. У 1934 годзе судзіў фінал Кубка Англіі, у якім «Манчэстэр Сіці» перамог «Портсмут» з рахункам 2:1. Гэта быў апошні матч у судзейскай кар’еры Роўза.

З 1934 года па 1962 год з’яўляўся главой Англійскай футбольнай асацыяцыі. З 1961 па 1974 год у якасці прэзідэнта ўзначальваў ФІФА.

Знаходзячыся на чале ФІФА Стэнлі Роўз засяродзіў працу ў кірунку выкаранення грубіянства на футбольных палях свету, праца вялася як з суддзямі, так і з нацыянальнымі футбольнымі федэрацыямі. У 1970 годзе ў пераддзвер’і чэмпіянату свету, у футбольныя правілы была ўведзена «жоўтая картка», пасродкам якой суддзям стала прасцей адсочваць грубіянства падчас матчу. Варта адзначыць, што Чэмпіянат свету 1970 года ўвайшоў у гісторыю як адзіны турнір, які абыйшоўся без адзінага выдалення ігракоў з поля.