Суд Фрунзенскага раёна г. Мінска
Суд Фрунзенскага раёна г. Мінска — раённы суд агульнай юрысдыкцыі[1] на тэрыторыі Фрунзенскага раёна Мінска. Размешчаны ў будынку па вуліцы Дуніна-Марцінкевіча, 1, корпус 2.
| Суд Фрунзенскага раёна г. Мінска | |
|---|---|
| Від | раённы суд |
| Інстанцыя | суд першай інстанцыі |
| Юрысдыкцыя | Фрунзенскі раён Мінска |
| Склад | прызначаецца Прэзідэнтам Рэспублікі Беларусь па прадстаўленні Старшыні Вярхоўнага Суда Рэспублікі Беларусь |
| Тэрмін службы | 5 гадоў |
| Кіраўніцтва | |
| Старшыня | Святлана Эдуардаўна Місуна |
| Уступіў на пасаду | 22 жніўня 2018 |
| Зала пасяджэнняў | |
| Адрас | 220092 г. Мінск, вул. Дуніна-Марцінкевіча, д. 1, корп. 2 |
Разглядае ў межах сваёй кампетэнцыі ў якасці суда першай інстанцыі і па абставінах, якія нанава адкрыліся, грамадзянскія справы, а таксама ў якасці суда першай інстанцыі крымінальныя справы і справы аб адміністрацыйных правапарушэннях; разглядае ў межах сваёй кампетэнцыі скаргі (пратэсты) на пастановы па справах аб адміністрацыйных правапарушэннях; вывучае і абагульняе судовую практыку, вядзе судовую статыстыку; ажыццяўляе іншыя паўнамоцтвы ў адпаведнасці з заканадаўчымі актамі[1].
Суд складаецца з суддзяў, у тым ліку старшыні суда, якія прызначаюцца Прэзідэнтам Рэспублікі Беларусь па прадстаўленні Старшыні Вярхоўнага Суда Рэспублікі Беларусь. Суддзі прызначаюцца на пасаду тэрмінам на пяць гадоў і могуць быць прызначаны на новы тэрмін ці бестэрмінова. Верхні ўзрост знаходжання на дзяржаўнай службе суддзяў — 65 гадоў[1].
Вышэйстаячым судом з’яўляецца Мінскі гарадскі суд[1].
Старшыні суда
правіць- З 22 жніўня 2018 — Святлана Эдуардаўна Місуна.
Зноскі
- ↑ а б в г Кодекс Республики Беларусь о судоустройстве и статусе судей 29 июня 2006 г. № 139-З
Спасылкі
правіць- Афіцыйная старонка Архівавана 12 жніўня 2022.