Сцяпан Пятровіч Сямашка
Сцяпан Пятровіч Сяма́шка[2] (27 ліпеня 1898, вёска Барылы (пазней злілася з вёскай Катушонкі) Полацкі раён, Віцебская вобласць — 23 верасня 1965) — беларускі пісьменнік. Брат Міколы Сямашкі.
| Сцяпан Пятровіч Сямашка | |
|---|---|
| Асабістыя звесткі | |
| Дата нараджэння | 27 ліпеня 1898 |
| Месца нараджэння | |
| Дата смерці | 23 верасня 1965 (67 гадоў) |
| Грамадзянства | |
| Альма-матар | |
| Месца працы | |
| Прафесійная дзейнасць | |
| Род дзейнасці | перакладчык, пісьменнік, журналіст |
| Жанр | проза |
| Мова твораў | беларуская |
| Грамадская дзейнасць | |
| Партыя | |
| Узнагароды |
  |
 Творы ў Вікікрыніцах | |
Біяграфія
правіцьНарадзіўся ў сялянскай сям’і. У 1920 годзе пайшоў у Чырвоную Армію, удзельнічаў у грамадзянскай вайне. У 1921—1926 гадах — на партыйнай і савецкай рабоце ў Полацку. У 1926—1929 гадах працаваў рэдактарам акруговай газеты «Чырвоная Полаччына», потым — у часопісе «Шляхі калектывізацыі», у газеце «Звязда». Вучыўся ў Камуністычным інстытуце журналістыкі ў Мінску (1932)[2]. У гады Вялікай Айчыннай вайны — палітработнік у Савецкай Арміі. У 1945—1946 гадах — адказны сакратар камісіі па гісторыі Вялікай Айчыннай вайны, з 1947 г. — навуковы супрацоўнік Інстытута гісторыі партыі пры ЦК КПБ.
Узнагароджаны ордэнамі Айчыннай вайны II ступені, «Знак Пашаны» і медалямі.
Творчасць
правіцьПершы празаічны твор надрукаваў у 1925 годзе. У 1927 годзе ў газеце «Чырвоная Полаччына» апублікаваў некалькі ўрыўкаў з аповесці «Пад панскай няволяй». Аўтар кнігі апавяданняў «Пералом» (1932), прысвечанай калектывізацыі.
3 1936 года ў друку не выступаў.
У пасляваенныя гады перакладаў на беларускую мову паасобныя творы К. Маркса, Ф. Энгельса, У. І. Леніна[3].
Зноскі
- ↑ Беларуская энцыклапедыя: У 18 т. Т. 15: Следавікі — Трыо — Мн.: Беларуская Энцыклапедыя імя Петруся Броўкі, 2002. — С. 343. — 552 с. — ISBN 985-11-0251-2
- ↑ а б БелЭн 2002.
- ↑ Сямашка Сцяпан Пятровіч
Літаратура
правіць- Сцяпан Пятровіч. Сяма́шка / 343 // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. Багдановіч І. Э.. — 10 000 экз. — ISBN 985-11-0035-8. — ISBN 985-11-0251-2 (т. 15).
- Сцяпан Сямашка // Беларускія пісьменнікі (1917—1990): Даведнік / Склад. А. К. Гардзіцкі. Нав. рэд. А. Л. Верабей. — Мн.: Мастацкая літаратура, 1994. — С. 525. — 653 с.: іл. — 22 000 экз. — ISBN 5-340-00709-X.
Спасылкі
правіць- Сямашка Сцяпан Пятровіч // Прыдзвінскі край: гісторыя і сучаснасць
- 27 июля — 125 лет со дня рождения Степана Петровича Семашко (1898—1965) (руск.) // Віцебская абласная бібліятэка імя У. І. Леніна. Аддзел дзіцячай літаратуры
- Сямашка, Сцяпан Пятровіч (пісьменнік ; 1898—1965) // Нацыянальная бібліятэка Беларусі
- Семашко Степан Петрович (руск.) // Праект «Память народа»