Сымон Аляксеевіч Хурсік

(Пасля перасылкі з Сымон Хурсік)

Сымон Аляксеевіч Хурсік (псеўданім: С. Багун; 31 студзеня (13 лютага) 1902, вёска Снусцік, Пухавіцкі раён, Мінская вобласць31 сакавіка 1972) — беларускі празаік і перакладчык.

Сымон Аляксеевіч Хурсік
Сымон Хурсік
Асабістыя звесткі
Дата нараджэння 13 лютага 1902(1902-02-13)
Месца нараджэння
Дата смерці 31 сакавіка 1972(1972-03-31) (70 гадоў)
Месца смерці
Грамадзянства
Альма-матар
Месца працы
Прафесійная дзейнасць
Род дзейнасці перакладчык, пісьменнік, паэт
Мова твораў беларуская

БіяграфіяПравіць

Нарадзіўся ў сялянскай сям'і. Пасля заканчэння Мінскага беларускага педагагічнага тэхнікума (1925) настаўнічаў у мястэчку Валынцы, у Полацку. Працаваў у рэдакцыі газеты «Чырвоная Полаччына». У 1930 г. скончыў літаратурна-лінгвістычнае аддзяленне педагагічнага факультэта Беларускага дзяржаўнага ўніверсітэта.

Арыштаваны ДПУ БССР 19 ліпеня 1930 па справе «Саюза вызвалення Беларусі» і асуджаны на 5 гадоў высылкі ў Іашкар-Алу. Працаваў настаўнікам у школах Марыйскай і Чувашскай АССР, Казахскай ССР. У гады Вялікай Айчыннай вайны ваяваў на 4-м Украінскім і 1-м Беларускім франтах, двойчы кантужаны. Пасля вайны зноў настаўнічаў. У другі раз быў арыштаваны 21 чэрвеня 1947 і высланы ў пас. Айдабул Какчэтаўскай вобласці[1].

Рэабілітаваны 13.10.1958 г.

З 1964 г. жыў у Карагандзе.

ТворчасцьПравіць

Упершыню выступіў у друку з апавяданнем у 1924 (газета «Савецкая Беларусь»). Аўтар зборнікаў апавяданняў «Першы паўстанак» (1925), «Шляхамі навальніц» (1930) і аповесці «Чорны мост» (1929-1930, часопіс «Маладняк»).

Вершы С. Хурсіка друкаваліся ў газеце «Чырвоная Полаччына» (1926 - 27 гг.).

Пасля зняволення да пісьменніцкай працы не вярнуўся.

Зноскі

ЛітаратураПравіць

  • Сымон Аляксеевіч Хурсік // Беларускія пісьменнікі: Біябібліяграфічны слоўнік. У 6 т. / пад рэд. А. І. Мальдзіса. — Мн.: БелЭн, 1992—1995. Т. 6. С. 205