Сядзібна-паркавы комплекс Вадэйкаў (Галавічполе)

Сядзібна-паркавы комплекс Вадэйкаў — помнік драўлянага дойлідства пачатку XX стагоддзя ў вёсцы Галавічполе (Шчучынскі раён Гродзенскай вобласці). Знаходзіцца на паўднёвай ускраіне вёскі.

Сядзібна-паркавы комплекс
Сядзібна-паркавы комплекс Вадэйкаў
Галавічполе. Сядзібна-паркавы комплекс Вадэйкаў (2).jpg
53°43′31″ пн. ш. 24°46′07″ у. д.HGЯO
Краіна Беларусь
Вёска Галавічполе
Архітэктурны стыль неабарока
Архітэктар Лявон Іванавіч Дубейкаўскі
Заснавальнік Ежы Іваноўскі
Дата пабудовы 1935 год
Будынкі:
сядзібны дом • флігелі • парк
Стан добры

ГісторыяПравіць

Сядзібны дом пабудаваны ў 1935 годзе

Пры тым, што гэтую пабудову называюць «домам Вадэйкаў», насамрэч дом пабудаваў Ежы Іваноўскі. Менавіта ён у 1930 годзе ўспадкаваў палову Галавічполя, а Вадэйкам у той час належала другая палова. Пасля Ежы Іваноўскі на месцы згарэлага строга драўлянага, пабудаваў новы дом. А спраектаваў яго беларускі архітэктар Лявон Вітан-Дубейкаўскі[1]. Адначасова з пабудовай дома Ежы Іваноўскі пасадзіў новы сад на 10 га, імаверна, з тых часоў недалёка ад дома захавалася і афіцына.

У савецкія часы дом стаў школьным інтэрнатам, а затым стаў уладаннем парафіі касцёла ў Старых Васілішках. Выкарыстоўваецца як каталіцкая капліца Святога Казіміра.

АрхітэктураПравіць

 
Сядзібны дом у 1935 годзе

Помнік архітэктуры неабарока. Яго складаную архітэктурна-пластычную кампазіцыю фарміруюць высокі мансардавы дах цэнтральнага прамавугольнага ў плане зруба, вальмавыя перакрыцці вуглавых алькежаў і мезанінаў. Вынасы пакрыццяў над фасадамі трымаюцца разнымі бэлькамі-кранштэйнамі. Элемент асіметрыі ў аб’ёмную кампазіцыю ўносяць 4-слуповы ганак з трохвугольным франтонам і вуглавая лоджыя. Неашаляваныя сцены прарублены прамавугольнымі аконнымі праёмамі розных памераў.

Гл. таксамаПравіць

Зноскі

ЛітаратураПравіць

СпасылкіПравіць