Сядзібна-паркавы комплекс Сегліцаў (Краскі)
Сядзіба Сегліцаў — сядзібна-паркавы ансамбль у в. Краскі Ваўкавыскага раёна. Прыклад сядзібна-паркавага мастацтва. Занесены ў Дзяржаўны спіс гісторыка-культурных каштоўнасцей Рэспублікі Беларусь як аб'ект гісторыка-культурнай спадчыны рэспубліканскага значэння. Барыс Лазука назваў палац вышэйшай кропкай у развіцці неагатычнага напрамку ў свецкай архітэктуры Беларусі[1].
| Славутасць | |
| Сядзіба Сегліцаў | |
|---|---|
 | |
| 52°57′38,1″ пн. ш. 24°33′25,10″ у. д.HGЯO | |
| Краіна |
 Беларусь |
| Вёска | Краскі |
| Будаўніцтва | 1839 — 1905[1] |
| Будынкі | |
| сядзібны дом • гаспадарчыя пабудовы • парк • сажалка | |
| Статус |
 Гісторыка-культурная каштоўнасць Беларусі, шыфр 412Г000104 |
 |
|
Гісторыя правіць
Сфарміравана ў XIX-пачатку XX стагоддзя.
Савецкі час не пашкадаваў Краскі. У будынку размясціўся спачатку касцёвасухотны, а пасля лёгачны санаторый. Некаторы час у панскім маёнтку жылі алкаголікі — тут быў лячэбна-працоўны прафілакторый. З часу незалежнасці будынак пачаў развальвацца і стаяў у аварыйным стане. У пачатку 2010 г. расійскі бізнесмен Вадзім Генадзевіч Селіхаў з горада Салехард Ямала-Ненецкай аўтаномнай акругі купіў стары панскі маёнтак за 300 мільёнаў рублёў ($100 тысяч).
Размяшчэнне і склад ансамбля правіць
Размешчана на заходняй ускраіне вёскі на левым беразе р. Зяльвянка. Уключае сядзібны дом, гаспадарчыя пабудовы, парк, сажалку. Уся тэрыторыя (50,2 га) падзелена на 2 часткі: паўночна-заходнюю, якую займае лесапарк, і паўднёва-ўсходнюю, дзе размешчаны асноўныя жылыя і гаспадарчыя пабудовы, вакол іх — пейзажны парк. Кампазіцыйны цэнтр — сядзібны дом, арыентаваны галоўным фасадам на поўдзень. Уязную алею перасякае р. Зяльвянка.
Сядзібны дом правіць
Сядзібны дом складаецца з драўлянага аднапавярховага і мураванага аб'ёмаў. Драўляны пабудаваны ў 1839 годзе. Прамавугольны ў плане на высокім цокалі будынак з анфіладнай планіроўкай жылых памяшканняў. Да ўсходняга тарца ў 1905 годзе прыбудаваны мураваны аб'ём. У палацы агулам больш за дваццаць пакояў.
Зноскі
- ↑ а б Лазука Б.А. Беларуская архітэктура XIX - пачатку XX стагоддзя // Гісторыя сусветнага мастацтва. Рускае і беларускае мастацтва XIX - пачатку XX стагоддзя. — Беларусь, 2011. — С. 354. — 431 с. — ISBN 978-985-01-0880-7.
Спасылкі правіць
- Сядзібна-паркавы комплекс Сегліцаў (Краскі) на сайце Radzima.org
- Сядзібна-паркавы комплекс Сегліцаў (Краскі) на сайце Глобус Беларусі (руск.)
- Сядзібна-паркавы комплекс Сегліцаў (Краскі) на сайце «Архіварта»