Сяргей Іванавіч Законнікаў

Сяргей Іванавіч Законнікаў (нар. 16 верасня 1946, в. Слабада, Бешанковіцкі раён) — беларускі паэт, публіцыст, журналіст, грамадскі дзеяч.

Сяргей Іванавіч Законнікаў
Асабістыя звесткі
Дата нараджэння	16 верасня 1946(1946-09-16) (78 гадоў) ці 1946
Месца нараджэння	Бешанковіцкі раён, Віцебская вобласць, БССР, СССР
Грамадзянства	СССР  Беларусь
Альма-матар	філалагічны факультэт БДУ
Месца працы	Патрыёт Чырвоная змена Звязда Полымя
Прафесійная дзейнасць
Род дзейнасці	перакладчык, паэт, журналіст, пісьменнік, публіцыст
Жанр	лірыка
Мова твораў	беларуская
Грамадская дзейнасць
Партыя	Партыя «Беларуская сацыял-дэмакратычная Грамада»
Член у	Саюз пісьменнікаў СССР Саюз беларускіх пісьменнікаў Беларускі ПЭН Беларуская перспектыва
Прэміі	Літаратурная прэмія СП Беларусі імя Аркадзя Куляшова (1982) • Міжнародная літаратурная прэмія імя Вітольда Гулевіча (1996) • Міжнародная літаратурная прэмія імя Рыгора Скаварады (1997).
Узнагароды

Біяграфія

Скончыў філалагічны факультэт Беларускага дзяржаўнага ўніверсітэта ў 1969 г. У 1969—1970 гг. выкладаў беларускую мову і літаратуру ў Клетнаўскай сярэдняй школе Барысаўскага раёна. Пасля — супрацоўнік ушацкай раённай газеты «Патрыёт» (1970—1971), сакратар Ушацкага райкама камсамолу (1972—1975). З сакавіка 1975 г. — карэспандэнт, загадчык аддзела газеты «Чырвоная змена», з кастрычніка 1975 г. — карэспандэнт газеты «Звязда». З 1978 г. — інструктар, з 1979 г. — загадчык сектара мастацкай літаратуры аддзела культуры ЦК КПБ, з 1986 г. па 2002 г. — галоўны рэдактар часопіса «Полымя». Член Беларускага ПЭН-цэнтра з 1989 г.

З 1977 г. — член Саюза пісьменнікаў СССР. З 1990 г. — член Рады Саюза беларускіх пісьменнікаў. Член Савета заснавальнікаў Грамадскага навукова-аналітычнага цэнтра «Беларуская перспектыва».

Першы верш апублікаваў у 1963 г. (газета «Віцебскі рабочы»). У 1970 г. ў калектыўным зборніку «Рунь» была надрукавана падборка вершаў Законнікава.

Пераклаў на беларускую мову паасобныя творы расійскіх, украінскіх, грузінскіх і літоўскіх паэтаў.

Вядзе пастаянную рубрыку «Пункт гледжання» ў газеце «Свободные новости плюс». Член Цэнтральнай рады партыі «Беларуская сацыял-дэмакратычная Грамада».

Узнагароды і прэміі

• Дзяржаўная прэмія Рэспублікі Беларусь імя Янкі Купалы (1992) — за кнігу паэзіі «Заклінанне».

Бібліяграфія

1. «Бяседа»: вершы (1973)
2. «Устань да сонца»: вершы і паэма (1976)
3. «Пакуль жыве мая бяроза»: вершы і паэма (1981)
4. «Вера, надзея, любоў»: кніга лірыкі (1983)
5. «Встань раньше солнца»: стихи (1985) (руск.)
6. «Прысак часу»: вершы і паэмы (1986)
7. «Сутнасць»: кніга паэзіі (1987)
8. «Вечная далеч»: вершы (1987)
9. «Заклінанне»: кніга паэзіі (1991)
10. «Святая воля»: выбраная лірыка (1993)
11. «Беларускае сэрца»: публіцыстычны роздум, эсэ (1993)
12. «Вячэра пад райскім дрэвам»: падарожныя нарысы, дзённікі (1996)
13. «Czarny koc Apokalipsy»: poemat (1996, 2006 — перавыданне) (польск.)
14. «Лістам дарога запала…»: выбранае (2000)
15. «Пътят на душата»: стихотворения и поеми (2002) (балг.)
16. «Гэта мы»: паэмы (2006)
17. «Першы пацалунак»: сто вершаў пра каханне (2007)
18. «Дол»: вершы і паэмы (2008)
19. «Насустрач»: публіцыстыка, эсэ (2008)

Літаратура

• Законнікаў Сяргей Іванавіч // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 319. — 800 с. — 5 000 экз. — ISBN 985-11-0026-9.

Спасылкі

• Законнікаў Сяргей Іванавіч на сайце анлайн-энцыклапедыі «Беларусь у асобах і падзеях»
• Творы С. Законнікава на Kamunikat.org
• Родныя вобразы Архівавана 7 сакавіка 2011.
• Нацыянальны паэтычны партал
• Вершы пра каханне