Сяргей Леанідавіч Ціханоўскі

беларускі блогер

Сяргей Леанідавіч Ціханоўскі (нар. 18 жніўня 1978, Гомель) — беларускі відэаблогер, аўтар YouTube-канала «Страна для жизни» (бел.: Краіна для жыцця), грамадскі дзеяч, прадпрымальнік, палітвязень.

Сяргей Леанідавіч Ціханоўскі
Партрэт
Род дзейнасці бізнесмэн, палітык, ютубер, прадпрымальнік, актывіст
Дата нараджэння 18 жніўня 1978(1978-08-18) (42 гады)
Месца нараджэння
Жонка Святлана Георгіеўна Ціханоўская
Альма-матар
Commons-logo.svg Сяргей Леанідавіч Ціханоўскі на Вікісховішчы

БіяграфіяПравіць

Нарадзіўся 18 жніўня 1978 года ў Гомелі. Скончыў філалагічны факультэт Гомельскага дзяржаўнага ўніверсітэта імя Францыска Скарыны.

Прадпрымальнік, стваральнік студыі «Компас Прадакшн», якая дзейнічае ў галіне відэаздымкаў. У асноўным дзейнічае ў Расіі і Украіне.

Свой YouTube-канал стварыў 11 сакавіка 2019 года. У сваім блогу распавядае пра жыццё ў Беларусі.

Спроба ўдзелу у выбарахПравіць

Збіраўся балатавацца ў прэзідэнты на выбарах 2020 года, аднак ягонай ініцыятыўнай групе адмовілі ў рэгістрацыі, калі ён быў у зняволенні.

Пры гэтым зарэгістравалі групу ягонай жонкі Святланы Ціханоўскай, блогер стаў кіраўніком гэтай групы.

29 траўня ў Гродне Сяргея Ціханоўскага затрымалі супрацоўнікі спецназу ў часе перадвыбарчага пікету за вылучэнне ў прэзідэнты ягонай жонкі. Падзеі, якія папярэднічалі затрыманню — заявы дзеючага кіраўніка дзяржавы Аляксандра Лукашэнкі на адрас Ціханоўскага, спроба перашкодзіць і стварыць канфліктную сітуацыю на пікеце з боку некалькіх жанчын, умяшальніцтва і затрыманне Ціханоўскага супрацоўнікамі міліцыі, дэманстратыўнае падзенне на зямлю міліцыянера і наступная рэакцыя на інцыдэнт дзяржаўных СМІ, дазволілі беларускім праваабаронцам зрабіць выснову аб тым, што ў дачыненні да Ціханоўскага магла быць здзейсненая правакацыя і прызнаць яго палітычным зняволеным[1].

30 траўня стала вядома аб узбуджэнні крымінальнай справы па факце гвалту ў дачыненні да супрацоўнікаў органаў унутраных спраў, удзел якім нібыта прымаў Сяргей Ціханоўскі і іншыя затрыманыя. Ціханоўскі і яшчэ сямёра затрыманых былі змешчаны ў ізалятар часовага ўтрымання Мінска. Затым адбыліся ператрусы ў офісе Ціханоўскага, доме яго маці, а таксама на лецішчы, дзе сілавікі нібыта знайшлі $900 тысяч[2]. Сяргею Ціханоўскаму і яшчэ сямі асобам выставілі абвінавачванне паводле ч. 1 арт. 342 (арганізацыя і падрыхтоўка дзеянняў, што груба парушаюць грамадскі парадак)[3].

29 чэрвеня праваабарончая арганізацыя Amnesty International прызнала Сяргея Ціханоўскага, а таксама некалькіх іншых арыштаваных апанентаў Лукашэнкі вязнямі сумлення[4].

Зноскі

СпасылкіПравіць