Сяргей Міхайлавіч Кастраміцкі

Сяргей Міхайлавіч Кастраміцкі (нар. 26 лістапада 1954, г. Харкаў, Украіна) — беларускі вучоны ў галіне радыёфізікі. Член-карэспандэнт (2014), доктар тэхнічных навук (1993), прафесар (1994).

Сяргей Міхайлавіч Кастраміцкі
Дата нараджэння	26 лістапада 1954(1954-11-26) (69 гадоў)
Месца нараджэння	Харкаў, Харкаўская вобласць, УССР, СССР
Род дзейнасці	навуковец
Навуковая ступень	доктар тэхнічных навук (1993)
Навуковае званне	член-карэспандэнт НАН Беларусі (2014)
Альма-матар	Мінскае вышэйшае інжынернае зенітнае ракетнае вучылішча проціпаветранай абароны (1977)
Узнагароды

Біяграфія

Скончыў Мінскае вышэйшае інжынернае зенітнае ракетнае вучылішча СПА (1977).

У 1972—1998 гадах служыў ва Узброеных Сілах СССР і Рэспублікі Беларусь. З 1998 года намеснік дырэктара дзяржаўнага прадпрыемства «СКБ Камертон». З 2006 года дырэктар навукова-вытворчага рэспубліканскага ўнітарнага прадпрыемства «КБ Радар». З 2016 года дырэктар Рэспубліканскага навукова-вытворчага прадпрыемства «Цэнтр радыётэхнікі НАН Беларусі».

Узнагароды

Узнагароджаны ордэнам Пашаны (2014).

Навуковая дзейнасць

Распрацаваў тэорыю і прынцыпы пабудовы шматпрамянёвых адаптыўных антэнных рашотак, якія выкарыстоўваюцца ў сістэмах перадачы інфармацыі, радыёлакацыі і канцэнтрацыі сверхвысокочастотных (ЗВЧ) электрамагнітных палёў. Вывучыў фізічныя ўласцівасці вядомай з’явы факусоўкі ЗВЧ-энергіі з перавыпраменьваннем на аснове звароту хвалевага фронту, тэарэтычна і эксперыментальна ацаніў перспектывы і спосабы яго практычнага выкарыстання ў задачах накіраванай перадачы ЗВЧ-энергіі, радыёлакацыі і сістэмах перадачы інфармацыі. Вызначыў колькасныя характарыстыкі эфектыўнасці аўтакагерэнтнай прасторавай апрацоўкі сігналаў на вялікіх і звышвялікіх апертурах.

Аўтар больш за 500 навуковых прац, у тым ліку 3 манаграфій, 75 аўтарскіх пасведчанняў.

Бібліяграфія

• Радиационные эффекты в полупроводниковых приборах. Минск, 1978 (в соавт.).

• Проникающие излучения в технологии полупроводниковых приборов и интегральных микросхем // Вестн. АН СССР. 1982. № 11.

• Воздействие радиации на интегральные микросхемы. Минск, 1986 (в соавт.).

Спасылкі

• Момент истины
• Сяргей Міхайлавіч Кастраміцкі ў базе даных «История белорусской науки в лицах» Цэнтральнай навуковай бібліятэкі імя Якуба Коласа НАН Беларусі (руск.)