Сярэдненямецкія дыялекты
Сярэдненямецкія дыялекты (ням.: Mitteldeutsch), таксама званыя цэнтральнанямецкімі (Zentraldeutsch), адносяцца да верхненямецкіх дыялектаў. Уключае заходнюю і ўсходнюю групу дыялектаў.
| Сярэдненямецкія дыялекты | |
|---|---|
 | |
| Саманазва | Mitteldeutsch |
| Краіны |
 Германія |
| Класіфікацыя | |
| Катэгорыя | Мовы Еўразіі |
| Пісьменнасць | лацінка |
| LINGUIST List | goh-cen і cohg |
| Glottolog | fran1268 |
Вобласць распаўсюджвання правіць
У сярэдненямецкіх дыялектах, якія распаўсюджаны паміж лініяй Бенрата на поўначы і майнскай лініяй на поўдні, другое перамяшчэнне зычных адбылося ў меншай меры, чым у паўднёванямецкіх дыялектах. Насупраць, у ніжненямецкім і нідэрландскім гэтага перамяшчэння не назіраецца.
Гісторыя даследавання правіць
Тэрмін «сярэдненямецкі» ўзнік у XVIII стагоддзі, калі пачалося вывучэнне нямецкай дыялекталогіі. Да таго адрозненне праводзілася толькі паміж верхнімі (oberländischer) (адпаведна верхненямецкімі) і нізавымі (niederländischer) (адпаведна ніжненямецкімі дыялектамі). У даследаваннях па дыялекталогіі канстатавалася, што другое (верхненямецкае) перамяшчэнне зычных, якое і прывяло да такога адрознення верхніх і нізавых дыялектаў, якое адразу кідаецца ў вочы, у даволі шырокай паласе не завяршылася цалкам. На падставе гэтай і некаторых іншых прыкмет узнікла разуменне гэтай паласы (значна шырэйшай на захадзе Германіі, каля Рэйна), як пераходнай вобласці паміж верхне- і ніжненямецкімі дыялектамі. Такім чынам, гэта сярэдненямецкая моўная вобласць уключае рэйнска-франкскія, гесэнскія дыялекты, усходнесярэдненямецкія дыялекты і цягнецца на поўдні ад Эльзаса ўздоўж Майнскай лініі да Рудных гор, а на поўначы ад Ахена праз Паўночны Гесэн да паўднёвага Брандэнбурга.