Сілезскае ваяводства (1920—1939)
Сілезскае ваяводства (польск.: Województwo śląskie) — аўтаномная адміністрацыйная адзінка ў міжваеннай Польскай Рэспубліцы. Цэнтр — Катавіцы.
| Сілезскае ваяводства | |||
|---|---|---|---|
| польск.: Województwo śląskie | |||
|
|||
| Краіна | |||
| Уваходзіць у | |||
| Адміністрацыйны цэнтр | |||
| Дата ўтварэння | 15 ліпеня 1920 | ||
| Дата скасавання | 1945 | ||
| Плошча |
|
||
 |
|||
 Медыяфайлы на Вікісховішчы | |||
.svg){kind=small}
Гісторыя правіць
Прававой асновай аўтаноміі польскай часткі Верхняй Сілезіі і польскай часткі Цешынскай Сілезіі стаў канстытуцыйны акт Сейма ад 15 ліпеня 1920 года. Ён дзейнічаў да канца міжваеннага перыяду. У літаратуры адзначаецца, што рашэнне польскага Сейма стала своеасаблівым адказам на ўзняцце Рэйхстагам 14 кастрычніка 1919 года Апольскага рэгенцтва ў ранг правінцыі. Статут гарантаваў аўтаномію той часткі Верхняй Сілезіі і частак Цешынскага княства, якія ўвойдуць у межы Польскай дзяржавы.
Рэальна ваяводства было створана менш чым праз два гады, у чэрвені 1922 года, пасля падпісання дагавора ў Жэневе 15 мая 1922 года. У кастрычніку 1938 года частка Заользя (заходняй частцы Цешынскай Сілезіі за ракой Ользай) была ўключана ў склад Сілезскага ваяводства.
У выніку пачатку Другой сусветнай вайны ў верасні 1939 года ваяводскія ўлады эвакуіравалі разам з прэзідэнтам і ўрадам на эміграцыю. Сілезскі сейм, як адзіны заканадаўчы орган у Польшчы, не быў распушчаны ўказам прэзідэнта. Акупаваныя землі Сілезскага ваяводства ўказам Адольфа Гітлера ад 8 кастрычніка 1939 года былі непасрэдна далучаны да Трэцяга рэйха.
У 1944 годзе Польскі камітэт нацыянальнага вызвалення скасаваў адміністрацыйны падзел акупантаў і аднавіў польскі адміністрацыйны падзел. Але 9 мая 1945 года польская адміністрацыя ў заходняй частцы Цешынскай Сілезіі была ліквідавана Чырвонай Арміяй, а ўлада перайшла да Чэхаславакіі.