Сіроцінскі раён

Сіро́цінскі раён — адміністрацыйна-тэрытарыяльная адзінка ў складзе БССР у 19241961 гадах.

Сіроцінскі раён
Краіна
Уваходзіць у Беларуская ССР
Уключае 289 населеных пунктаў (1947)
Адміністрацыйны цэнтр Шуміліна
Дата ўтварэння 17 ліпеня 1924
Дата скасавання 23 лістапада 1961
Плошча 1,2 тыс. км²

Раён утвораны 17 ліпеня 1924 года ў складзе Віцебскай акругі БССР. Цэнтр — станцыя Сіроціна. 20 жніўня 1924 года падзелены на 12 сельсаветаў: Амбросавіцкі, Валатоўскі, Дабейскі, Жаробыцкі, Казьянскі, Лаўжанскі, Мішневіцкі, Пагарэліцкі, Роўненскі, Сіроцінскі, Спаскі, Шумілінскі. У 1927 годзе цэнтр раёна перанесены ў вёску Шуміліна. 12 кастрычніка 1929 года скасаваны Валатоўскі і Роўненскі сельсаветы. Пасля скасавання акруговага падзелу 26 ліпеня 1930 года раён у прамым падпарадкаванні БССР. У 1931 годзе ўтвораны Старынскі (Старыноўскі) сельсавет. 15 лютага 1931 года да раёна далучаны Заронаўскі сельсавет скасаванага Віцебскага раёна, 8 ліпеня 1931 года — Баранькаўскі, Клётчынскі (Клетчынскі), Мішкавіцкі, Обальскі, Усвейскі сельсаветы скасаванага Ульскага раёна. 25 ліпеня 1931 года Усвейскі сельсавет перададзены ў склад Бешанковіцкага раёна. 3 лістапада 1932 года Баранькаўскі сельсавет рэарганізаваны ў нацыянальны польскі сельсавет. 5 красавіка 1935 года Заронаўскі сельсавет уключаны ў гарадскую рысу горада Віцебска. 14 мая 1936 года Баранькаўскі нацыянальны польскі сельсавет рэарганізаваны ў беларускі сельсавет. З 20 лютага 1938 года раён у складзе Віцебскай вобласці. 27 верасня 1938 года Шуміліна атрымала статус гарадскога пасёлка, Шумілінскі сельсавет скасаваны. 9 верасня 1946 года Баранькаўскі, Клётчынскі і Мішкавіцкі сельсаветы перададзены ў склад адноўленага Ульскага раёна. 16 ліпеня 1954 года скасаваны Жаробыцкі і Спаскі сельсаветы, Амбросавіцкі сельсавет перайменаваны ў Лескавіцкі. 17 снежня 1956 года да раёна далучаны Баранькаўскі, Клётчынскі і Мішкавіцкі сельсаветы скасаванага Ульскага раёна. 1 красавіка 1960 года скасаваны Баранькаўскі, Мішкавіцкі і Старынскі сельсаветы, утвораны Мікалаеўскі сельсавет. 23 лістапада 1961 года Сіроцінскі раён перайменаваны ў Шумілінскі раён.

ЛітаратураПравіць

  • Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.
  • Энцыклапедыя гісторыі Беларусі: У 6 т. Т. 6 Кн. 1 / Рэдкал.: Г. П. Пашкоў і інш. — Мн.: БелЭн, 2001. — Т. 6. — 10 000 экз. — ISBN 985-11-0214-8.
  • Белорусская ССР: Краткая энциклопедия. В 5-ти т. т. 1 / Ред. колл.: П. У. Бровка и др. — Мн.: Гл. ред. Белорус. Сов. Энциклопедии, 1979. — Т. 1. — 768 с. — 50 000 экз. (руск.) 
  • Сіроцінскі раён // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2002. — Т. 14: Рэле — Слаявіна. — С. 414. — 512 с. — 10 000 экз. — ISBN 985-11-0238-5 (т. 14), ISBN 985-11-0035-8.