Сямён Іосіфавіч Аляксандраў

Сямён Іосіфавіч Алякса́ндраў (24 мая 1920, в. Засарыхіна, Гарадзецкі раён, Ніжагародская вобласць, Расія — 16 снежня 1980) — беларускі акцёр. Заслужаны артыст Беларускай ССР (1967).

Сямён Іосіфавіч Аляксандраў
Дата нараджэння	24 мая 1920(1920-05-24)
Месца нараджэння	Засарыхіна[d], Кумохінскі сельсавет[d], Гарадзецкі раён, Горкаўская вобласць
Дата смерці	16 снежня 1980(1980-12-16) (60 гадоў)
Адукацыя	Горкаўскае тэатральнае вучылішча[d] (1952)
Прафесія	тэатральны акцёр
Тэатр	Гродзенскі абласны драматычны тэатр
Член у	БСТД
Узнагароды

Біяграфія

Скончыў у 1952 годзе Горкаўскае тэатральнае вучылішча. З 1959 года ў Гродзенскім абласным драматычным тэатры.

Члены Беларускага саюза тэатральных дзеячаў з 1952 года.

Творчасць

Выканаўца драматычных і характарных роляў, спалучаў псіхалагіны і пластычны малюнак вобраза. Сярод роляў: Сенатар («Францыск Скарына» А. Петрашкевіча), Моцкін («Выбачайце, калі ласка!» А. Макаёнка), Бераст («Платон Крэчат» А. Карнейчука), Трыстан («Сабака на сене» Лопэ дэ Вэгі).

Літаратура

• Аляксандраў Сямён Іосіфавіч // Беларуская энцыклапедыя: У 18 т. Т. 1: А — Аршын / Рэдкал.: Г. П. Пашкоў і інш. — Мн. : БелЭн, 1996. — Т. 1. — 552 с. — 10 000 экз. — ISBN 985-11-0035-8. — ISBN 985-11-0036-6 (т. 1).