Сымон Ціханавіч Блатун

Сымон Ціханавіч Блату́н (10 мая 1937, вёска Кавака, Брагінскі раён — 3 красавіка 1970) — беларускі паэт, публіцыст, перакладчык.

Сымон Ціханавіч Блатун
Асабістыя звесткі
Дата нараджэння	10 мая 1937(1937-05-10)
Месца нараджэння	Кавака, Вуглоўскі сельсавет, Брагінскі раён, БССР, СССР
Дата смерці	3 красавіка 1970(1970-04-03) (32 гады)
Месца смерці	Мінск, БССР, СССР
Пахаванне	Чыжоўскія могілкі
Альма-матар	аддзяленне журналістыкі філалагічнага факультэта БДУ (1959)
Месца працы	Звязда Літаратура і мастацтва Чырвоная змена
Прафесійная дзейнасць
Род дзейнасці	паэт, публіцыст, перакладчык

Біяграфія

Нарадзіўся ў сялянскай сям’і. Пасля заканчэння аддзялення журналістыкі Беларускага дзяржаўнага ўніверсітэта (1959) працаваў літсупрацоўнікам у газетах «Звязда», «Літаратура і мастацтва», літаратурным кансультантам у «Чырвонай змене».

Памёр 3 красавіка 1970 года ў Мінску. Пахаваны на Чыжоўскіх могілках Мінска (сектар 5/2, рад 2, уч. 21).

Творчасць

Першы верш надрукаваў у 1956 годзе (газета «Піянер Беларусі»). Аўтар зборнікаў вершаў «Раўнавага» (1968), «Радаслоўнае дрэва» (1970), «Чысціня» (вершы і пераклады, 1979). У 1971 годзе выйшаў зборнік гумарэсак, вершаў і мініяцюр «Калючая шаткаванка».

Перакладаў вершы армянскіх, літоўскіх, латышскіх, рускіх і ўзбекскіх паэтаў.

Літаратура

• Блатун Сымон Ціханавіч // Культура Беларусі: энцыклапедыя / рэдкал.: Т. У. Бялова (гал. рэд.) [і інш.]. — Мн.: Беларус. Энцыкл. імя П. Броўкі, 2010. — Т. 1. — 704 с. — 3 000 экз. — ISBN 978-985-11-0496-9.
• Блатун Сымон // Беларускія пісьменнікі: Біябібліягр. слоўн. у 6 т. Т. 1 / Ін-т літ. імя Я. Купалы АН Рэспублікі Беларусь, Беларус. Энцыкл.; Рэдкал.: І. Э. Багдановіч і інш. — Мн.: БелЭн, 1992. — С. 290.
• Блатун Сымон // Беларускія пісьменнікі (1917—1990): Даведнік / Склад. А. К. Гардзіцкі; Нав. рэд. А. Л. Верабей. — Мн.: Маст. літ., 1994. — С. 59.