Сяргей Барысавіч Журавель
Сярге́й Бары́савіч Жураве́ль (1 чэрвеня 1954, Мінск — 14 жніўня 2015[1], Мінск) — беларускі акцёр. Народны артыст Беларусі (2011). Лаўрэат прэміі імя Ігната Буйніцкага (1999)[2].
| Сяргей Барысавіч Журавель | |
|---|---|
 | |
| Дата нараджэння | 1 чэрвеня 1954 |
| Месца нараджэння | |
| Дата смерці | 14 жніўня 2015 (61 год) |
| Месца смерці | |
| Месца пахавання | |
| Прафесія | акцёр |
| Узнагароды |
 Прэмія імя І. Буйніцкага (1999) |
| IMDb | ID 1168627 |
Біяграфія Правіць
Скончыў тэатральны факультэт Беларускага тэатральна-мастацкага інстытута (1976) па спецыяльнасці «Акцёр драматычнага тэатра і кіно» (курс А. І. Бутакова). Працаваў у Беларускім рэспубліканскім тэатры юнага гледача (1976—1985) і Беларускім дзяржаўным моладзевым тэатры (1985—2009). З 2009 года ў складзе трупы Купалаўскага тэатра.
Быў мастацкім кіраўніком тэатральнага праекта «Нікаля-тэатр», мастацкім кіраўніком «Альфа радыё» (Мінск), вядучым дакументальнага серыяла «Лёс чалавека» на тэлеканале «Лад». Здымаўся ў фільмах і серыялах: «Батанічны сад», «Зорка Венера», «Каменская», «Гатэль „Выкананне жаданняў“», «Неба і зямля», «Вар’яцкае каханне».
Памёр 14 жніўня 2015 года. Пахаваны на Усходніх могілках.
Выбраная фільмаграфія Правіць
- Дастыш фантастыш (2009)
- Масакра (2010)
- Немец (2011)
- Кіндэр-Вілейскі прывід (2014)
Узнагароды Правіць
- Народны артыст Беларусі (2011)[3].
- Прэмія імя І. Буйніцкага (1999)
Зноскі
- ↑ Памёр народны артыст Беларусі акцёр Сяргей Журавель — euroradio.fm, 14.08.2015, 13:34
- ↑ Архіўная копія. kupalauski.by. Архівавана з першакрыніцы 14 жніўня 2015. Праверана 20 студзеня 2016.
- ↑ Указ Прэзідэнта Рэспублікі Беларусь ад 26 кастрычніка 2011 года № 491 «Аб узнагароджанні дзяржаўнымі ўзнагародамі Рэспублікі Беларусь» Архівавана 18 кастрычніка 2021.
Літаратура Правіць
- Беларуская энцыклапедыя: У 18 т. Т. 6: Дадаізм — Застава / Рэдкал.: Г. П. Пашкоў і інш. — Мн. : БелЭн, 1998. — Т. 6. — 576 с. — 10 000 экз. — ISBN 985-11-0035-8. — ISBN 985-11-0106-0 (т. 6).