Сафія Леанідаўна Смірнова

Сафія Леанідаўна Смірнова (нар. 11 ліпеня 1934, Растоў-на-Доне) — беларускі архітэктар.

Сафія Леанідаўна Смірнова
Дата нараджэння	11 ліпеня 1934(1934-07-11) (89 гадоў)
Месца нараджэння	Растоў-на-Доне, Азова-Чарнаморскі край, РСФСР, СССР
Альма-матар	БПІ (1958)
Месца працы	Белдзяржпраект БелНДІПгорадабудаўніцтва
Член у	Саюз архітэктараў СССР Беларускі саюз архітэктараў

Біяграфія

Скончыла Беларускі політэхнічны інстытут у 1958 годзе. Працавала ў Маладзечне, з 1967 года — старшы архітэктар, кіраўнік групы архітэктараў, галоўны архітэктар праектаў у Белдзяржпраекце, БелНДІПгорадабудаўніцтва.

Член Саюза архітэктараў СССР з 1969 года. Пражывае ў Мінску.

Творчасць

Асноўныя працы (у аўтарскім калектыве): генпланы, ПДП цэнтраў і жылых раёнаў Гродна (1969, 1970, 1971, 1975, 1978, 1979, 1982), Ліды (1972, 1974), Мсціслава (1974, 1976), Крычава (1976, 1980, 1983), Навагрудка (1977, 1986), Чачэрска (1980, 1982), ПДП жылога раёна Магілёва (1970, 1976), праекты размяшчэння будаўніцтва на чарговыя пяцігодкі ў Магілёве (1975), Гродне (1978), праекты рэгенерацыі гістарычнай забудовы Мсціслава (1985), Навагрудка (1987).

Літаратура

• Смирнова София Леонидовна // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)