Станіслаў Мацвеевіч Замараеў

Станіслаў Мацвеевіч Замараеў (29 верасня 1939, Салехард, Цюменская вобласць — 10 красавіка 2001, Мінск) — беларускі архітэктар.

Станіслаў Мацвеевіч Замараеў
Дата нараджэння	29 верасня 1939(1939-09-29)
Месца нараджэння	Салехард, гарадская акруга Салехард[d], Ямала-Ненецкая аўтаномная акруга, Омская вобласць, РСФСР, СССР
Дата смерці	10 красавіка 2001(2001-04-10) (61 год)
Месца смерці	Мінск, Беларусь
Грамадзянства	Беларусь
Альма-матар	БПІ (1963)
Месца працы	Мінскпраект
Член у	Саюз архітэктараў СССР Беларускі саюз архітэктараў

Біяграфія

Нарадзіўся ў сям’і Мацвея Ягоравіча Замараева і Пелагеі Паўлаўны Мінінай. Скончыў Беларускі політэхнічны інстытут у 1963 годзе. З 1963 года — архітэктар, старшы архітэктар, галоўны архітэктар праектаў у «Мінскпраекце».

Член Саюза архітэктараў СССР з 1986 года. Пражывае ў Мінску.

Творчасць

Дом мадэляў

Будынак Мінскпраекта па вуліцы Берсана

Асноўныя працы: 9-павярховы жылы дом з крамай і кафэ па праспекце Ракасоўскага, кінатэатр «Электрон» (1981), 7-павярховы жылы дом па вуліцы Рыбалкі (1982); у аўтарскім калектыве: Дом мадэляў па праспекце Машэрава (1970), будынак «Мінскпраекта» (1975), 9-, 12-павярховыя жылыя дамы па вул. Танкавай (1974—1979), Енісейскай (1984), дзіцячая музычная школа ў мікрараёне Ангарская (1985) у Мінску.

Узнагароды

Узнагароджаны дыпломам Усесаюзнага агляду дасягненняў савецкай архітэктуры (1980).

Сям’я

У шлюбе з архітэктарам Наталляй Рыгораўнай Якушкавай (нар. 1946) меў сыноў Ягора і Івана.

Літаратура

• Замараев Станислав Матвеевич // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)