Тайная вячэра (карціна Гэ)
«Тайная вячэра» (руск.: Тайная вечеря) — карціна рускага мастака Мікалая Гэ (1831—1894), скончаная ў 1863 годзе. З’яўляецца часткай збору Дзяржаўнага Рускага музея ў Санкт-Пецярбургу (інв. Ж-4141). Памер карціны — 283 × 382 см[1].
| ||
| Мікалай Гэ | ||
| Тайная вячэра. 1863 | ||
| Тайная вечеря | ||
| Матэрыял | Палатно | |
|---|---|---|
| Тэхніка | алей | |
| Памеры | 283 × 382 см | |
| Дзяржаўны Рускі музей, Санкт-Пецярбург | ||
| (інв. Ж-4141) | ||
Мікалай Гэ працаваў над гэтым палатном у 1861—1863 гадах у Італіі, у Фларэнцыі, падчас яго пенсіянерскай паездкі за мяжу. Пасля таго як Гэ прывёз карціну ў Пецярбург, яна экспанавалася на Акадэмічнай выстаўцы 1863 года. Савет Акадэміі мастацтваў высока ацаніў майстэрства мастака, выяўленае ім пры напісанні гэтай карціны, і прысвоіў яму званне прафесара гістарычнага жывапісу, а само палатно было набыта імператарам Аляксандрам II для музея Акадэміі мастацтваў[2][3].
На карціне намалявана тайная вячэра — апісаная ў Новым Запавеце апошняя трапеза Ісуса Хрыста з яго дванаццаццю вучнямі-апосталамі, падчас якой ён прадказаў, што адзін з іх — Іуда Іскарыёт — здрадзіць яму[4].
Карціна карысталася вялікім поспехам, яе шмат абмяркоўвалі, але меркаванні крытыкаў падзяліліся: адны ўхвалялі наватарскую трактоўку евангельскага сюжэту, а іншыя лічылі, што выявы Хрыста і апосталаў занадта далёкія ад традыцыйнага разумення, і яны напісаны недастаткова пераканаўча[5].
Мікалай Гэ стварыў прынамсі два паменшаныя аўтарскія паўторы карціны, адзін з якіх належыць калекцыі Дзяржаўнай Траццякоўскай галерэі, а іншы знаходзіцца ў Саратаўскім дзяржаўным мастацкім музеі імя А. М. Радзішчава[1].
Крыніцы правіць
- ↑ а б Каталог ДРМ 1980, с. 91.
- ↑ Татьяна Карпова, Светлана Капырина (составители). Летопись жизни и творчества Николая Николаевича Ге (PDF). журнал «Третьяковская галерея», 2011, № 3, с.52—63.. Праверана 18.09.2015.
- ↑ А. Г. Верещагина 1988, с. 30.
- ↑ Новы Запавет, Евангелле паводле Іаана: Ін. 13:21-30
- ↑ А. Г. Верещагина 1988, с. 31—32.
Літаратура правіць
- Государственный Русский музей — Живопись, XVIII — начало XX века (каталог). — Ленинград: Аврора и Искусство, 1980. — 448 с.
- А. Г. Верещагина. Николай Николаевич Ге. — Ленинград: Художник РСФСР, 1988. — 184 с. — (Русские живописцы XIX века).
- А. Г. Верещагина. Историческая картина в русском искусстве. Шестидесятые годы XIX века. — Москва: Искусство, 1990. — 229 с. — ISBN 5-210-00311-6.
- Н. Ю. Зограф. Николай Ге. — Москва: Изобразительное искусство, 1974. — 168 с. — (Мастера мирового искусства).
Спасылкі правіць
- Інтэрактыўны від залы Дзяржаўнага Рускага музея, у якім знаходзіцца карціна «Тайная вячэра» (трэба перайсці направа), www.virtualrm.spb.ru