Такубоку Ісікава

Ісікава Такубоку (яп.: 石川 啄木), сапраўднае імя Ісікава Хадзімэ (20 лютага 1886, вёска Сібутамі, прэфектура Іватэ, Японія — 13 красавіка 1912) — японскі паэт, літаратурны крытык, значна ўплыў на развіццё паэзіі танка.

Такубоку Ісікава
яп.: 石川啄木
Асабістыя звесткі
Дата нараджэння	20 лютага 1886(1886-02-20)
Месца нараджэння	Марыёка[d], прэфектура Іватэ, Японія
Дата смерці	13 красавіка 1912(1912-04-13) (26 гадоў)
Месца смерці	Кайсікава[d], Токіа, Токіа, Японія
Пахаванне	Cape Tachimachi[d]
Грамадзянства	Японія
Альма-матар	Seisoku Gakuen[d]
Прафесійная дзейнасць
Род дзейнасці	паэт, пісьменнік, аўтар танка, журналіст
Мова твораў	японская мова
Медыяфайлы на Вікісховішчы

Нарадзіўся ў маленькай вёсцы на галоўным японскім востраве Хонсю, адзіным сынам у сям’і небагатага сельскага святара, па нараджэнні названы Хадзімэ («першынец»). Такубоку («дзяцел») — літаратурны псеўданім, упершыню ўжыты ў 1903 годзе.

Служыў настаўнікам, затым супрацоўнічаў у часопісах, быў карэктарам. Ісікава Такубоку быў перакананым праціўнікам вайны. Памёр у галечы ад сухотаў праз месяц пасля смерці маці.

Першыя танкі апублікаваны ў 1902 годзе ў такійскім часопісе «Ранішняя зорка». Выдаў зборнікі «Імкненні» (1905), «Жменя пяску» (1910), «Свіст і свісток» (1911), «Сумная цацка» (апублікаваны пасмяротна).