Тамара Рыгораўна Раеўская
Тамара Рыгораўна Раеўская (нар. 1940, Асіповічы) — беларуская эстрадная спявачка. Заслужаная артыстка Беларускай ССР (1974)[1].
| Тамара Рыгораўна Раеўская | |
|---|---|
| Дата нараджэння | 27 мая 1940 (84 гады) |
| Месца нараджэння | |
| Краіна | |
| Альма-матар | |
| Музычная дзейнасць | |
| Прафесіі | спявачка |
| Інструменты | вакал |
| Узнагароды |
 |
Біяграфія
правіцьТамара Рыгораўна Раеўская нарадзілася ў 1940 годзе ў горадзе Асіповічы[2]. Там скончыла пяць класаў, пасля чаго сям'я пераехала ў Мінск. Пасля школы паступіла ў музычнае вучылішча ў Маладзечне на дырыжорска-харавое аддзяленне. Там прабыла тры гады і перавялася ў Мінск. У 1971 годзе скончыла Мінскае музычнае вучылішча.
У 1962 г. пасля ўдалага дэбюту ў адной з праграм эстраднага аркестра Беларускага тэлебачання і радыё Т. Раеўская стала салісткай гэтага калектыву. З 1973 года — салістка Дзяржтэлерадыё Беларусі. Працавала там каля 30 гадоў[3]. Паралельна вяла канцэртную дзейнасць. У 1992 г. яна стала педагогам Дзяржаўнага канцэртнага аркестра Беларусі пад кіраўніцтвам выдатнага музыканта Міхаіла Фінберга. На працягу многіх гадоў Т. Раеўская вяла на рэспубліканскім радыё перадачу «Матчына песня», неаднаразова з поспехам выступала на Магілёўскім фестывалі «Залаты шлягер».
Творчасць
правіцьУ рэпертуары Тамары Раеўскай песні самых вядомых савецкіх кампазітараў, у тым ліку Яўгена Глебава, Ігара Лучанка, Яўгена Грышмана, Юрыя Антонава і многіх іншых[4].
У фільме «Спяшайся будаваць дом» выканала песні «Зберажы каханне» (руск.: Сбереги любовь) і «Песня пра пошту» (руск.: Песнь про почту) за актрысу Марыю Сцернікаву.
Узнагароды
правіцьЗаслужаная артыстка БССР (1974).
Зноскі
- ↑ Раеўская, Тамара Рыгораўна (спявачка; нар. 1940)
- ↑ Будкін, Сяргей. 25 жанчын, без якіх не было б беларускай музыкі (+ аўдыё) . Будзьма беларусамі! (2 мая 2013). Архівавана з першакрыніцы 4 красавіка 2020. Праверана 4 красавіка 2020.
- ↑ Заслуженная артистка Беларуси Тамара Раевская отмечает 70-летний юбилей Архівавана 19 снежня 2016. (руск.)
- ↑ Тамара Раевская (руск.)
Літаратура
правіць- Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — 576 с. — 10 000 экз. — ISBN 985-11-0035-8. — ISBN 985-11-0216-4 (т. 13).
- Республика Беларусь : энциклопедия. [В 7 т.] Т. 6. — Минск, 2008.