Тамаш Казімір Сапега

Тамаш Казімір Сапега (1621 — 30 сакавіка 1654, у вайсковым абозе пад Белым Камнем) — вялікалітоўскі дзяржаўны і ваенны дзеяч, абозны вялікі літоўскі (з 1649).

Тамаш Казімір Сапега Tomasz Kazimierz Sapieha
Герб «Ліс»
4-ы Вялікі абозны літоўскі
1649 — 30 сакавіка 1654
Папярэднік	Самуэль Асінскі
Пераемнік	Самуэль Камароўскі
Адукацыя	Люблінскі езуіцкі калегіум[d] Ягелонскі ўніверсітэт Балонскі ўніверсітэт Падуанскі ўніверсітэт
Дзейнасць	ваенны
Нараджэнне	1621(1621)
Смерць	30 сакавіка 1654(1654-03-30) Белы Камень, Львоўская зямля[d], Рускае ваяводства, Малапольская правінцыя[d], Карона Каралеўства Польскага, Рэч Паспалітая
Род	Сапегі
Бацька	Фрыдэрык Сапега
Маці	Ева Скашэўская
Жонка	Соф'я Дарагастайская
Дзеці	няма

Біяграфія

Вучыўся ў езуіцкім калегіуме ў Любліне, у 1635 запісаўся Кракаўскую акадэмію. Пазней выехаў у Італію на вучобу ў Балонню і Падую. Таксама падарожнічаў па Германіі, Франціі і Англіі.

У 1648 стаў ротмістрам гусарскай харугвы. Удзельнічаў у бітве пад Піляўцамі. У 1649 знаходзіўся пад Зборавам, атрымаў пасаду абознага літоўскага. У 1650 на чале казацкай харугвы ўдзельнічаў у бітве пад Берасцечкам, дзе быў двойчы паранены.

Памёр 30 сакавіка 1654 года ў вайсковым абозе пад Белым Камнем.

Сям'я

Паходзіў з кодзенскай лініі магнацкага роду Сапегаў, сын Фрыдэрыка і Евы Скашэўскай. Меў братоў Яна Фрыдэрыка, Крыштафа Францішка і Аляксандра Казіміра.

Ажаніўся ў 1647 годзе з Соф'яй Дарагастайскай (1635—1653), дачкой чашніка літоўскага Уладзіслава Дарагастайскага. Праз гэты шлюб атрымаў спадчыну згаслага роду Дарагастайскіх (Дарагастаі, Мураваную Ашмянку і іншыя маёнткі). Дзяцей не пакінуў.

Спасылкі

• Генеалогія магнацкіх радоў Рэчы Паспалітай