Таццяна Ігараўна Чардынцава
Таццяна Ігараўна Чардынцава (нар. 16 чэрвеня 1989, Мінск) — беларуская і расійская актрыса тэатра і кіно.
| Таццяна Чардынцава | |
|---|---|
| Таццяна Ігараўна Чардынцава | |
 | |
| Дата нараджэння | 16 чэрвеня 1989 (35 гадоў) |
| Месца нараджэння | |
| Грамадзянства | |
| Муж | Alexandr Chubinets[d] |
| Адукацыя | |
| Месца працы | |
| Прафесія | актрыса |
| Кар’ера | 2003 — н. ч. |
| IMDb | ID 6350278 |
| cherdyntseva.ru | |
 Медыяфайлы на Вікісховішчы | |
Біяграфія
правіцьНарадзілася ў музычнай сям’і, бацька — Ігар Валер’евіч Чардынцаў, вядомы беларускі піяніст, харавы дырыжор, выкладчык Беларускага дзяржаўнага ўніверсітэта культуры, маці − Алена Анатольеўна Глебава, артыстка Беларускага дзяржаўнага камернага хору Рэспублікі Беларусь.
Займалася ў дзіцячай студыі пры Беларускім нацыянальным Вялікім тэатры оперы і балета. У 13 гадоў сыграла сваю першую галоўную ролю Вэндзі ў мюзікле «Пітэр Пэн». Пасля 9-га класа паступіла на акцёрскі факультэт Мінскага каледжа мастацтваў, скончыла Беларускую акадэмію мастацтваў. Прымала ўдзел ў спектаклях беларускіх тэатраў. У 2008 годзе стала лаўрэатам беларускага фестывалю «Бярэзінская рампа» за лепшае выкананне жаночай ролі ў дыпломным спектаклі «Дурнічка» паводле Карла Гальдоні.
З 2009 года ў трупе Беларускага тэатра юнага гледача. Пазней служыла ў Беларускім камерным драматычным тэатры і ў «Тэатральным каўчэгу». У 2013 годзе адзначана прэміяй Эрбільскага міжнароднага тэатральнага фестывалю ў Іраку за выкананне галоўнай ролі ў беларускім спектаклі «Больш чым дождж»[1].
У 2015 годзе вядучая вечаровай дзіцячай праграмы «Калыханка» на беларускім тэлебачанні.
З 2016 года жыве ў Маскве.
Першая роля ў кіно — медсястра ў фільме «Выратаваць або знішчыць», далей грала эпізадычныя ролі ў фільмах «У чаканні кахання» і «Шчасце ёсць». Першая галоўная роля — у кароткаметражцы «Рыскі восені», якая атрымала Гран-пры V Мінскага фестывалю студэнцкага кіно і відэа.
Знялася больш чым у 80 фільмах і серыялах расійскіх, украінскіх і беларускай кінастудый. Асаблівую вядомасць атрымала пасля містычнай меладрамы-серыяла «Вучаніца Месінга» ў галоўнай ролі Вольгі, — увесь яе жыццёвы і творчы шлях ад дзяўчынкі-падлетка да вядомай артысткі. Рэжысёр Уладзімір Нахабцаў доўга выбіраў акрысу на ролю гераіні, — патрэбна была дзяўчына «савецкага тыпу», і знайшоў яе ў Мінску, — «там яшчэ засталіся тыя самыя, савецкія дзяўчынкі, з асаблівым, яшчэ не згубленым менкамі унутраным свячэннем»[2][3][4][5][6].
Намінант на прэмію Залаты арол-2021 (найлепшая жаночая роля на тэлебачэнні).
Мой галоўны прынцып — стараннасць. Я вельмі шмат укладваю ў сваю работу сіл, напружання і часу, таму цаню ўсё, што са мной адбываецца, цаню кожную ролю, няхай і не заўжды галоўную. Кожны момант на экране для мяне мае вялікае значэнне. Гэта не толькі рэалізацыя мары, але яшчэ духоўны і прафесійны рост. А ўсё ў сукупнасці дае добры досвед. Таму ўсім пачаткоўцам рэкамендую прачытаць класікаў: Чэхава, Станіслаўскага, Меерхольда… Увогуле трэба чытаць як мага больш мастацкай літаратуры. Абавязкова цікавіцца і ведаць гісторыю, зносіцца з рознымі цікавымі людзьмі, любіць сваю справу, умець адчуваць і слухаць сваё сэрца… Гэта важна ў прафесіі. І не трэба баяцца дробных няўдач. Калі ты сапраўды правільна імкнешся да мэты, абавязкова яе дасягнеш[7].
Фільмаграфія
правіць- 2021 Гарачая кропка-2
- 2020 Хуткая дапамога-3 (у вытворчасці)
- 2020 Нічыя зямля (у вытворчасці)
- 2020 Міленькі ты мой (у вытворчасці)
- 2020 Без кахання (у вытворчасці)
- 2020 Агееў (у вытворчасці)
- 2020 Абуджэнне кахання
- 2019 Чужая
- 2019 Тэст на цяжарнасць-2
- 2019 Зусім чужыя
- 2018 Лёс абмену не падлягае
- 2018 Нераскрыты талент-2
- 2018 Нераскрыты талент-3
- 2018 Немагчымая жанчына
- 2018 Маскоўская барзая-2
- 2018 Дом з чорнымі катамі
- 2018 Бярозка
- 2017 Вучаніца Месінга
- 2017 Сабака Рыжы
- 2017 Золатца
- 2017 Экспрапрыятар
- 2017 Падвойная суцэльная-2
- 2017 Арэна для забойства
- 2016 Сляды на вадзе
- 2016 Нераскрыты талент
- 2016 Мае чужое дзіця
- 2016 Куба
- 2016 Выйсці замуж любой цаной
- 2016 Усе ўзросты кахання
- 2015 Чорная павуціна
- 2015 Фамільныя каштоўнасці
- 2015 Тонкі лёд
- 2015 Пагоня за мінулым
- 2015 Печыва з прадказаннем
- 2015 Непадкупны
- 2015 На далёкай заставе
- 2015 Каханне, якога не было
- 2015 Чырвоная каралева
- 2015 Код Каіна
- 2015 Капкан для зоркі
- 2015 У сузор’і Стральца
- 2015 Вяртанне Мухтара-10
- 2015 Найлепшы сябар жыхароў
- 2014 Шчаслівы шанец
- 2014 Сляпы разлік
- 2014 З Восьмым сакавіка, мужчыны!
- 2014 Прашу паверыць мне на слова
- 2014 Неверагодныя прыгоды Арбузіка і Бябешкі
- 2014 Мой блізкі вораг
- 2014 Добрае імя
- 2014 Доктарка
- 2014 Насуперак усяму
- 2013 Сын бацькі народаў
- 2013 Старэйшая сястра
- 2013 Выратаваць або знішчыць
- 2013 З каханымі не развітаюцца
- 2013 Сляды апосталаў
- 2013 Следчы Пратасаў
- 2013 Скарабей
- 2013 Усталяваць асобу
- 2013 Зваротны адлік
- 2013 Працэс
- 2013 Прычал Кахання і Надзеі
- 2013 Першае каханне
- 2013 Парфюмерша
- 2013 Знарок не прыдумаеш
- 2013 Лісце, якое ляціць па ветры
- 2013 Гарадскія шпіёны
- 2013 Усе скарбы свету
- 2013 Важкае пачуццё
- 2013 Вангелія
- 2013 Букет
- 2013 Ой, ма-ма-чкі!
- 2012—2013 Белыя ваўкі
- 2012 Я яго зляпіла
- 2012 Смерць шпіёнам. Ударная хваля
- 2012 Сэрца не камень
- 2012 Паласатае шчасце
- 2012 Паляванне на гаўляйтара
- 2012 Зваротны бок месяца
- 2012 Маці і мачыха
- 2012 Лялькі
- 2012 Залатыя нажніцы
- 2012 Знахарка
- 2011 Рыскі восені
- 2011 Сцяжынка ўздоўж ракі
- 2011 Шчасце ёсць
- 2011 Сямейны дэтэктыў
- 2011 Пакупнік
- 2011 Навігатар
Тэатральныя ролі
правіць- Люсіль, дачка спадара Журдэна − Ж.-Б. Мальер «Мешчанін у шляхецтве» (рэжысёр-пастаноўшчык В. Варэцкі)
- Німфа, Механічная дзеўка — Сяргей Кавалёў «Тарас на Парнасе» (рэж. Наталля Башава)
- Прынцэса — Мікалай Шувалаў (паводле Ш. Перо) «Кот у ботах» (рэж. Бенедыкт Растрыженнікаў)
- Дзюймовачка — Юры Шчуцкі (па казцы Ханса Крысціяна Андэрсана) «Дзюймовачка» (2009, рэж. Наталля-Разалія Родзіна)
- Шуся — Таццяна Сівец «Брык і Шуся шукаюць лета» (2010, рэж. Ягор Лёгкін)
- Падчарка Зося — Юрый Кулік (па матывах казак братоў Грым) «Спадарыня Мяцеліца» (2010, рэж. Юрый Кулік)
- Поросёнок Джэк — Юрый Шчуцкі «Тры парасяты» (2010, рэж. Ягор Лёгкін)
- Люба — Францішак Аляхновіч «Пан міністр» (2011, рэж. Уладзімір Савіцкі)
- Вераніка — «Вераніка вырашае памерці» Паўла Каэльё (2013, рэж. Наталля Башава)
- Мадэмуазель Ніа (Ніна Зарэчная) — «Больш чым дождж», А. П. Чэхаў «Чайка» (2013, рэж. Павел Адамчыкаў, пластычны спектакль, «Гран-пры» за найлепшы спектакль Эрбільскага міжнароднага тэатральнага фестывалю, 2013 года)
Зноскі
- ↑ Творческая семья, ранняя карьера и настоящая любовь. История Татьяны Чердынцевой. Домашний очаг (20 лютага 2020).
- ↑ Евгения Заболотских.. Актриса Татьяна Чердынцева: Мужа нашла, когда стала «ученицей Мессинга». Союзное вече (28 студзеня 2010).(недаступная спасылка)
- ↑ Илья Легостаев.. Героиня сериала об ученице Мессинга. Татьяна Чердынцева рассказа о мистических съёмках. Московский комсомолец (30 студзеня 2020).
- ↑ Ольга Семёнова.. Татьяна Чердынцева(недаступная спасылка). МІНСК-НАВІНЫ (23 лютага 2020). Архівавана з першакрыніцы 12 студзеня 2021.
- ↑ Лолита Пурцеладзе.. Татьяна Чердынцева: На съемках «Ученицы Мессинга» пришлось справляться с собой(недаступная спасылка). Собеседник (23 студзеня 2020). Архівавана з першакрыніцы 12 студзеня 2021. Праверана 16 мая 2020.
- ↑ Таццяна Чардынцава(недаступная спасылка). СТВ−сталічнае тэлебачанне (20 верасня 2019). Архівавана з першакрыніцы 12 студзеня 2021.
- ↑ Юлія Савіцкая.. Таццяна Чардынцава: «Працуючы, не думаю, як быць у кадры прыгожай». Звязда (10 лютага 2017).
Спасылкі
правіць- Татьяна Чердынцева // Вокруг ТВ
- Татьяна Чердынцева // 24 СМИ
- Татьяна Чердынцева // Ruskino.ru Архівавана 12 студзеня 2021.
- Татьяна Чердынцева // Kino.rambler.ru
- Вершы Таццяны Чардынцавай // Маладосць, 2020, № 7(недаступная спасылка)
- Знаменитості: Актриса Тетяна Чердинцева(недаступная спасылка)
- Творческая семья, ранняя карьера и настоящая любовь. История Татьяны Чердынцевой
- Тетяна Чердинцева — біографія актриси
- На «Интере» — премьера мини-сериала «Прозрение»