Тромбафлебіт

Тромбафлебі́т (ад тромб і флебіт) — трамбоз з запаленнем сценкі вены і ўтварэнне тромба, які зачыняе яе прасвет.

Тромбафлебіт
МКХ-10	I80., I82.1
МКБ-10-КМ	I80.0
МКХ-9	451
МКБ-9-КМ	451.0 і 451.2
DiseasesDB	3498
MedlinePlus	001108
MeSH	D013924

Прычыны тромбафлебіту

У развіцці захворвання ляжыць комплекс прычын:

• інфекцыя
• запаволенне цёку крыві і павышэнне яе згусальнасці
• паніжэнне рэактыўнасці арганізма
• парушэнне цэласці сценак сасудаў (траўма вены)
• змена складу крыві

Часам тромбафлебіт — ускладненне родаў, розных аперацый, інфекцыйных захворванняў, злаякасных новаўтварэнняў.

Лячэнне тромбафлебіту

Лячэнне тромбафлебіту залежыць ад стадыі і формы захворвання. У выпадках, калі тромбафлебіт выкліканы няправільным правядзеннем ін’екцый, выкарыстоўваюць спіртавыя кампрэсы і антыкаагулянты (напрыклад, гепарынавую мазь). Пры інфекцыйнай этыялогіі выкарыстоўваюць антыбіётыкі, пры цяжкіх выпадках — хірургічнае ўмяшанне і іншае.

Літаратура

• Семяненя І. М. Тромбафлебі́т // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 528. — 10 000 экз. — ISBN 985-11-0035-8. — ISBN 985-11-0251-2 (т. 15).
• Тромбафлебі́т // Тлумачальны слоўнік беларускай літаратурнай мовы / уклад.: І. Л. Капылоў [і інш.] ; пад рэд. І. Л. Капылова. — Мн.: Беларуская Энцыклапедыя імя Петруся Броўкі, 2016. — С. 827. — 968 с. — 1 000 экз. — ISBN 978-985-11-0937-7.
• Тромбафлебі́т // Тлумачальны слоўнік беларускай мовы: У 5-ці т / АН БССР, Інстытут мовазнаўства імя Я. Коласа. — Мн.: Беларус. Сав. Энцыклапедыя імя Петруся Броўкі, 1983. — Т. 5 кн. 1: С — Улагодзіць / [рэдактар М. Р. Суднік]. — С. 520. — 663 с.
• Тромбофлеби́т / Пенин В. А. // Т. 26. Тихоходки — Ульяново. — М. : Советская энциклопедия, 1977. — С. 242. — (Большая советская энциклопедия : [в 30 т.] / гл. ред. А. М. Прохоров; 1969—1978). (руск.)