Тупела

Тупела (англ.: Tupelo) — горад у штаце Місісіпі (ЗША). Насельніцтва — 38 312 чал. (2019 г.).

Горад Тупела Tupelo Сцяг Краіна ЗША Каардынаты 34°15′57″ пн. ш. 88°42′35″ з. д. Мэр Todd Jordan[d] Заснаваны 1870 Першая згадка 1867 Ранейшыя назвы Гам-Понд Горад з 1870 Плошча 133 км² Вышыня цэнтра 85 м Насельніцтва 38312 чалавек (2019) Часавы пояс UTC−6, летам UTC-5 Тэлефонны код 662 Паштовыя індэксы 38801, 38804, 38826, 38866 Ідэнтыфікатар 678931 Афіцыйны сайт tupeloms.gov (англ.) Тупела на карце ЗША

Медыяфайлы на Вікісховішчы

Геаграфія

Горад Тупела знаходзіцца ў пагорыстай мясцовасці на паўночным усходзе Місісіпі за 257 км ад Джэксана. Клімат субтрапічны вільготны. Сярэдняя тэмпература ліпеня дасягае +27,9°C, студзеня — +0,9°C. Тупела ўваходзіць у зону частых тарнада. Найбольш разбуральны адбыўся ў 1936 г.

Гісторыя

Горад Тупела быў заснаваны перасяленцамі з Агая ў 1867 г. каля тагачаснай чыгуначнай магістралі. Галоўнымі заняткамі мясцовых жыхароў першапачаткова былі здабыча драўніны і транспартнае абслугоўванне камерцыйных грузаў (пераважна бавоўны). Некаторы час горад меў назву Гам-Понд, але пазней стаў вядомы як Тупела з-за аднайменных кізілакветных дрэў, што раслі ў наваколлі. Горад стаў знакаміты як радзіма амерыканскага спевака Элвіса Прэслі.

Эканоміка

Тупела — важны транспартны цэнтр на поўначы Місісіпі, перакрыжаванне аўтамагістралей. У ім працуе рэгіянальны аэрапорт. Прамысловасць прадстаўлена прадпрыемствамі па вытворчасці дэталяў для аўтамабіляў і ваенных самалётаў, а таксама сельскагаспадарчай прадукцыі. Развіваюцца турызм, інфармацыйныя тэхналогіі, сферы фінансавага і медыцынскага абслугоўвання.

Спасылкі

Tupelo даведнік на сайце Wikivoyage

• На Вікісховішчы ёсць медыяфайлы па тэме Тупела
• Афіцыйны сайт
• Галіны эканомікі