Тураўскі краязнаўчы музей — адзін з найстарэйшых музеяў Гомельскай вобласці. Заснаваны ў 1927 годзе на базе школьнага гуртка гісторыі і прыроды, меў больш за сто экспанатаў.

Тураўскі краязнаўчы музей
Профіль комплексны
Заснаваны 1927
Падпарадкаванасць аддзел культуры Жыткавіцкага райвыканкама.
Месцазнаходжанне Гомельская вобласць, Жыткавіцкі раён, г. Тураў, вул. Кірава, 21, 247980
Памеры фонду 9629
Агульная плошча 450
Выставачная плошча 328
Плошча запаснікаў 100
Тэлефон (+ 02353) 7-53-75
Адкрыты 8.30–16.30, акрамя панядзелка і аўторка

ГісторыяПравіць

Заснавальнік і першы дырэктар музея - настаўнік геаграфіі Максім Емяльянавіч Бруй. Актыўны ўдзел у стварэнні музея прымаў бібліятэкар Народнага дома Парфен Антонавіч Шчакатовіч.

У час Вялікай Айчыннай вайны сабраная музейная калекцыя была цалкам знішчана. Пасля заканчэння вайны і да снежня 1949 новая музейная калекцыя збіралася і экспанавалася ў прыватным доме П. А. Шчакатовіча. Рашэннем Палескага аблвыканкама ад 1949 года Тураўскі краязнаўчы музей быў адкрыты зноў. Да 1961 музейная калекцыя налічвала 1290 адзінак.

 
Рэшткі царквы

Па ініцыятыве музея ў 1961 годзе на сярэднявечным гарадзішчы Турава былі праведзены першыя буйныя археалагічныя даследаванні Тураўскім атрадам АН СССР. Тады ж маскоўскія археолагі выказалі здагадку, што на гарадзішчы размяшчаюцца рэшткі манументальнага збудавання. Раскопкі 1963 года пацвердзілі здагадкі навукоўцаў - быў выяўлены падмурак сярэднявечнага цаглянага храма. У цяперашні час падмурак храма XII стагоддзя з'яўляецца цэнтральным экспанатам гісторыка-археалагічнага комплексу «Старажытны Тураў».

КалекцыяПравіць

Сучасная музейная калекцыя налічвае больш за 11 тысяч адзінак асноўнага фонду прадметаў археалогіі, этнаграфіі, дакументаў і інш.

У цяперашні час музей мае пяць экспазіцыйных і адну выставачную залу: старажытнасці, этнаграфіі, Вялікай Айчыннай вайны і прыроды. У зале старажытнасці прадстаўлены музейныя прадметы - знаходкі неаліту, жалезнага веку, ранняга сярэднявечча: каменныя і крэмневыя прылады працы, кераміка, вырабы з жалеза, рамяство рэзі па костцы і т. п.

ЛітаратураПравіць

  • Тураўскі краязнаўчы музей// Энцыклапедыя літаратуры і мастацтва Беларусі. – Мн., 1987. – Т. 5. – С. 289.
  • Марынкіна В. Тураўскаму краязнаўчаму музею – 70 год / / Новае Палессе (Жыткавічы). – 1998. – 10 студз.
  • Тураўскі краязнаўчы музей / / Памяць: Гіст.–дакум. хроніка Жыткавіцкага р-на. – Мн., 1994. – С. 740–741.

СпасылкіПравіць