Туркестанскі хрыбет
Туркестанскі хрыбет' (кірг.: Түркстан кырка тоосу, узб.: Turkiston tizmasi, тадж.: Қаторкӯҳи Туркистон) — высакагорны хрыбет шыротнага кірунку, даўжынёй каля 340 км, які адносіцца да Гісара-Алайскай горнай сістэмы.
| Туркестанскі хрыбет | |
|---|---|
| кырг. Түркстан кырка тоосу, узб. Turkiston tizmasi, тадж. Қаторкӯҳи Туркистон | |
 | |
| 39°34′59″ пн. ш. 69°45′00″ у. д.HGЯO | |
| Краіны | |
| Горная сістэма | Гісара-Алай |
| Даўжыня | каля 340 км |
| Найвышэйшая вяршыня | пік Скалісты |
| Вышыня | 5621 м |
 Медыяфайлы на Вікісховішчы | |
Праз горны вузел Матча хрыбет стульваецца з Алайскім хрыбтом на ўсходзе, і распасціраецца да Самаркандскай раўніны на захадзе. Паўночны схіл працяглы і спадзісты, з ядлаўцовымі лясамі і рэдкалессямі, паўднёвы — кароткі і круты, са скаламі і асыпкамі. З поўдня далінай ракі Зераўшан аддзелены ад Зераўшанскага хрыбта. Найвышэйшыя пункты — пік Скалісты (5621 м) і пік Пірамідальны (5509 м). Грэбень хрыбта, асабліва ва ўсходняй частцы, пакрыты горнымі ледавікамі. Самыя буйныя — ледавікі Талстога, Шуроўскага і Зераўшанскі — выток ракі Зераўшан. Праз адзін з перавалаў хрыбта — Шахрыстан на вышыні 3378 метраў праходзіць шаша Душанбэ — Худжанд. Схілы раздзеленыя далінамі рэк Ісфара, Ак-Суу, Кара-Суу. На паўночным схіле размешчана горнае возера Ай-Кёль.
Па хрыбце праходзіць мяжа Таджыкістана з Узбекістанам і Кыргызстанам.
Літаратура правіць
- Туркестанский хребет // Т. 26. Тихоходки — Ульяново. — М. : Советская энциклопедия, 1977. — (Большая советская энциклопедия : [в 30 т.] / гл. ред. А. М. Прохоров; 1969—1978). (руск.)