Тымбіша
Тымбіша (саманазвы: Nümü Tümpisattsi, Tümpisa Sosoni) — індзейскі народ, карэнныя жыхары ЗША. У нашы дні насяляюць ўсход Каліфорніі. Агульная колькасць (2010 г.) - 124 чал.
| Тымбіша (Tümpisa Sosoni) | |
| |
Плеценая талерка тымбіша
| |
| Агульная колькасць | 124 (2010 г.) |
|---|---|
| Рэгіёны пражывання | ЗША |
| Мова | тымбіша |
| Рэлігія | анімізм, хрысціянства |
| Блізкія этнічныя групы | шашоны, каманчы |
Тымбіша маюць агульнае паходжанне з заходнімі шашонамі. З X ст. насялялі даліну Смерці, дзе займаліся пераважна вандроўным збіральніцтвам. З 1849 г. мелі сталыя кантакты з амерыканцамі. У пачатку XX ст. вывучаліся Альфрэдам Кроберам.
У 1933 г. на землях, населеных тымбіша, быў створаны нацыянальны парк, а яны самі пераселены ў асобную індзейскую вёску. Толькі ў 1982 г. урад ЗША прызнаў тымбіша ў якасці асобнай нацыі, а іх вёска атрымала статус аўтаномнай рэзервацыі.
Мова тымбіша належыць да нумійскай групы моў. На ёй размаўляе каля 20 чалавек.