Тэадор Вернер (мастак)
Тэадор Вернер (14 лютага 1886, Етэнбург, Вюртэмберг — 15 студзеня 1969, Мюнхен) — нямецкі жывапісец.
| Тэадор Вернер | |
|---|---|
| Дата нараджэння | 14 лютага 1886[1][2][…] |
| Месца нараджэння |
|
| Дата смерці | 15 студзеня 1969[1][2][…] (82 гады) |
| Месца смерці | |
| Грамадзянства | |
| Жонка | Woty Werner[d] |
| Род дзейнасці | мастак, калекцыянер мастацтва |
| Уплыў | Шарль Герэн (мастак) |
| Узнагароды | |
Біяграфія правіць
Тэадор Вернер атрымаў першую адукацыю ў педагагічным каледжы ў Нагольдзе, затым у Нюртынгене. Паралельна з настаўніцкай працай Вернер вучыўся з 1908 па 1909 год у Штутгарцкай акадэміі ў Роберта Поцэльбергера. Затым Вернер адпраўляўся ў навучальныя паездкі за мяжу да 1914 года, некалькі разоў наведваў Парыж, дзе праходзіў прыватнае навучанне ў студыі Шарля Герэна.
Тэадор Вернер пачаў сваю творчасць з нацюрморта і пейзажных матываў. Карціны з 1919 па 1929 год знаходзяцца пад моцным уплывам імпрэсіяністычнага стылю Поля Сезана. Пасля вайсковай службы ў Першай сусветнай вайне Тэадор Вернер жыў і працаваў пазаштатным мастаком у Гроссаксенхайме каля Штутгарта да 1929 года. У 1930 годзе пераехаў у Парыж, дзе пражыў да 1935 года. У Парыжы ён стаў членам групы мастакоў Abstraction-Création, заснаванай Навумам Габо, Антуанам Пеўзнерам, Агюстам Эрбінам, Тэа ван Дусбургам і Жоржам Вантонгерлоа.
У 1931 годзе Вернер ажаніўся з мастачкай Анэлізай Рютгерс («Воці»). Праз чатыры гады вярнуўся ў Германію. Нацыянал-сацыялістычны рэжым забараніў яму маляваць і выстаўляць. З гэтага часу яго творы лічыліся дэгенератыўным мастацтвам. Падчас Другой сусветнай вайны быў прызваны на службу ў вермахт у якасці тэхнічнага чарцёжніка. У 1945 годзе значная частка яго карцін была знішчана ў выніку выбуху.
Зноскі
- ↑ а б Theodor Werner
- ↑ а б Theodor Werner // Benezit Dictionary of Artists — OUP, 2006. — ISBN 978-0-19-977378-7 Праверана 9 кастрычніка 2017.
- ↑ Union List of Artist Names — 2018. Праверана 25 кастрычніка 2018.
- ↑ Museum of Modern Art online collection Праверана 4 снежня 2019.