Тэнесі Уільямс
Тэнесі Уі́льямс (англ.: Tennessee Williams, сапр. Томас Ланір Уільямс (Thomas Lanier Williams); 26 сакавіка 1914, г. Калумбус, штат Місісіпі, ЗША — 25 лютага 1983) — амерыканскі пісьменнік, драматург.
| Тэнесі Уільямс | |
|---|---|
| Tennessee Williams | |
 | |
| Асабістыя звесткі | |
| Імя пры нараджэнні | Томас Ланір Уільямс III-ці |
| Дата нараджэння | 26 сакавіка 1911[1][2][…] |
| Месца нараджэння | |
| Дата смерці | 25 лютага 1983[1][2][…] (71 год) |
| Месца смерці | |
| Пахаванне | |
| Грамадзянства |
 ЗША |
| Бацька | Cornelius Coffin Williams[d][6] |
| Маці | Edwina Estelle Dakin[d][6] |
| Альма-матар | |
| Месца працы | |
| Прафесійная дзейнасць | |
| Род дзейнасці | |
| Гады творчасці | 1930—1983 |
| Жанр | spoken drama[d] |
| Мова твораў | англійская |
| Грамадская дзейнасць | |
| Член у | |
| Прэміі | Пулітцэраўская прэмія |
| Узнагароды | |
| Подпіс |
 |
 Медыяфайлы на Вікісховішчы | |
Вучыўся ва ўніверсітэтах Місуры, Сент-Луіса, Аявы (1929-38).
У раманах «Рымская вясна місіс Стоўн» (1950), «Мойсі і свет розуму» (1976), сацыяльна-псіхалагічных п’есах «Шкляны звярынец» (1945), «Трамвай „Жаданне“» (1947, экранізавана ў 1951), «Татуіраваная ружа» (1951), «Кошка на распаленым даху» (1955), «Арфей спускаецца ў пекла» (паст. 1957), «Ноч ігуаны» (1961), «Папярэджанні малым караблям» (1973), «Стары квартал» (1977), «Цудоўная нядзеля для пікніка» (1980) і інш. праблемы існавання асобы ў жорсткім свеце, адзіноты сярод людзей, сутыкнення дабра і прыгажосці з прагматызмам і чэрствасцю. Аўтар зборнікаў навел «Аднарукі і іншыя апавяданні» (1948), «Карамель» (1954), «Вандроўкі рыцара» (1967), «Восем прыстойных жанчын у стане апантанасці» (1974), зборнікаў вершаў «У зіме гарадоў» (1956), «Андраген, любоў мая» (1977), кнігі «Мемуары» (1975), шэрагу аповесцей. Паэтыка яго твораў складаная, насычана сімваламі і алегорыямі, антычнымі і біблейскімі алюзіямі, сумяшчае ў сабе тэндэнцыі экзістэнцыялізму, экспрэсіянізму, натуралізму, імпрэсіянізму з элементамі антыдрамы і «тэатра жорсткасці».
Распрацаваў канцэпцыю «пластычнага тэатра», паводле якой на сцэне важнае значэнне надаецца мастацкаму і музычнаму афармленню, сцэнаграфіі, эфектам святла.
Асобныя творы перакладзены на беларускую мову, на Беларусі яго п’есы ставіліся ў тэатрах.
Заўвагі
правіць- ↑ а б Tennessee Williams // Internet Broadway Database — 2000. Праверана 9 кастрычніка 2017.
- ↑ а б Thomas Lanier Williams // Internet Broadway Database — 2000. Праверана 9 кастрычніка 2017.
- ↑ Archivio Storico Ricordi — 1808. Праверана 3 снежня 2020.
- ↑ http://www.poemhunter.com/quotations/famous.asp?people=tennessee%20williams
- ↑ https://muse.jhu.edu/journals/modern_drama/v028/28.4.parker.pdf
- ↑ а б Pas L. v. Genealogics — 2003.
Літаратура
правіць- Стулаў Ю. Амерыканская драматургія на беларускай сцэне (1960—1980) // Беларусіка=Aldaruthenica. Мн., 1995. Кн. 5.