Тэўчэжскі раён
Тэўчэжскі раён (адыг.: Теуцожь район[2]) — адміністрацыйна-тэрытарыяльная адзінка і муніцыпальнае ўтварэнне (муніцыпальны раён) у складзе Рэспублікі Адыгея Расійскай Федэрацыі.
| Тэўчэжскі раён | |||
|---|---|---|---|
|
|||
| Краіна | |||
| Уваходзіць у |
|
||
| Адміністрацыйны цэнтр | |||
| Дата ўтварэння | 1929 | ||
| Насельніцтва |
|
||
| Плошча |
|
||
 |
|||
| Афіцыйны сайт (руск.) | |||
 Медыяфайлы на Вікісховішчы | |||
Адміністрацыйны цэнтр — аул Панежукай.
Геаграфія правіць
Тэўчэжскі раён размешчаны ў паўночна-заходняй частцы Рэспублікі Адыгея. Агульная плошча тэрыторыі раёна складае 697,97 км². У яго ўваходзяць 1 гарадское і 6 сельскіх паселішчаў.
Мяжуе на паўночным усходзе з Краснагвардзейскім, на захадзе — з Тахтамукайскім раёнамі Адыгеі, на поўдні — з гарадской акругай горада Гарачы Ключ, на поўначы праз Краснадарскае вадасховішча — з Краснадарскай гарадской акругай, на ўсходзе і паўднёвым усходзе — з Беларэчанскім раёнам Краснадарскага края. З захаду, поўначы і ўсходу раён паўколам акружае Адыгейскую гарадскую акругу.
Раён знаходзіцца ў раўніннай зоне рэспублікі. Рэльеф мясцовасці мае слабараздзелены і слабахвалісты характар на поўначы, які паступова пераходзіць на поўдні ва ўзгорыстую мясцовасць. Прасочваецца агульнае паніжэнне з паўднёвага ўсходу на паўночны захад. У глебавым покрыве раёна найбольшае распаўсюджванне атрымалі вышчалачаныя чарназёмы.
Галоўнай воднай артэрыяй раёна з’яўляецца рака Кубань, якая на тэрыторыі раёна ўтварае Краснадарскае вадасховішча. На тэрыторыі раёна знаходзяцца вусці многіх яго левых прытокаў — Пшыш, Марта, Апчас, Псекупс, Чатук і інш. У пасёлка Тлюстэнхабль і аула Тугургой размешчаны ачышчальныя збудаванні, якія рэгулююць Краснадарскае вадасховішча.
Клімат на тэрыторыі акругі вільготны ўмераны, з адчувальным уплывам блізкасці Чорнага мора. Сярэднія паказчыкі тэмпературы паветра вагаюцца ад +24,0 °C у ліпені, да 0 °C у студзені. Найбольш высокія тэмпературы паветра назіраюцца ў пачатку жніўня, а найбольш нізкія ў канцы студзеня ці ў пачатку лютага. Сярэднегадавая колькасць ападкаў складае каля 700 мм. Найбольшая колькасць ападкаў выпадае ў летні перыяд.
Зноскі
- ↑ 26. Численность постоянного населения Российской Федерации по муниципальным образованиям на 1 января 2018 года — Federal State Statistics Service. Праверана 23 студзеня 2019.
- ↑ Берсиров Б.М.. Русско-адыгейский словарь(недаступная спасылка). Министерство образования и науки Республики Адыгея. Архівавана з першакрыніцы 30 ліпеня 2017. Праверана 5 ліпеня 2017.