Украінскія навіны

«Украінскія навіны» (укр.: Українські новини) — інфармацыйнае агенцтва Украіны, заснаванае ў другой палове 1997 года. На 2014 г. выпускала 27 зводак паведамленняў, у тым ліку 11 штотыднёвых і 7 штомесячных аглядаў, на ўкраінскай, англійскай і рускай мовах. Агулам штодня пастаўляла каля 300 навін звыш 10 тыс. пакупнікам. Мела рэпартэраў ва ўсіх абласцях Украіны.

Украінскія навіны
Тып	Таварыства з абмежаванай адказнасцю
Заснаванне	Другая палова 1997
Заснавальнікі	Міхайла Каламіец
Размяшчэнне	Кіеў, вул. Эспланадная, д. 20
Ключавыя постаці	Мікола Шаўчэнка
Галіна	СМІ
Прадукцыя	Навіны
Дэвіз	Апошнія навіны — першымі
Матчына кампанія	«У.А. Інтэр Медыя»
Сайт	www.un.ua

Гісторыя

У другой палове 1997 г. Міхаіл Каламіец заснаваў агенцтва на аснове эканамічнай рэдакцыі «Укрінфарм-бізнес-навін», якую стварыў у 1993 г. і дзе ад таго часу працаваў рэдактарам да сваёй гібелі ў 2002 годзе. У 2000 г. палову акцый набыла «Агенцтва гуманітарных тэхналогій», што належала дэпутату Вярхоўнай Рады Украіны ад Народна-дэмакратычнай партыі Валерыю Харашкоўскаму. У 2004 г. спадкаемцы заснавальніка прадалі «Агенцтву гуманітарных тэхналогій» другую палову акцый. У маі 2006 г. агенцтва займела прэс-цэнтр (плошча 95 кв.м. на 70 месцаў) для нарадаў, прэзентацыяў, круглых сталоў, семінараў і трэнінгаў. На пачатку 2009 г. — фотаслужбу «Украінскае фота». У лютым 2013 г. украінскі прадпрымальнік Зміцер Фірташ набыў «У. А. Інтэр Медыя» разам з агенцтвам за $2,5 мільярды.

Спасылкі

• RSS-паток навін Архівавана 6 снежня 2013. (укр.)
• Украінскае фота (укр.)
• RSS-паток фотанавін Архівавана 9 ліпеня 2014. (укр.)
• Украінскія навіны