Уладзімеж Цімашэвіч

Уладзімеж Цімашэвіч (13 верасня 1950, Варшава, Польшча) — польскі грамадска-палітычны дзеяч, юрыст, выкладчык.

Уладзімеж Цімашэвіч Włodzimierz Cimoszewicz
47-ы Старшыня Савета Міністраў Польшчы
7 лютага 1996 — 31 кастрычніка 1997
Прэзідэнт:	Аляксандр Квасьнеўскі
Папярэднік:	Юзаф Алексы
Пераемнік:	Ежы Бузек
15-ы Маршал Сойма Польшчы
5 студзеня 2005 — 18 кастрычніка 2005
Папярэднік:	Юзаф Алексы
Пераемнік:	Марак Юрак
Партыя:	Беспартыйны
Адукацыя:	факультэт права і адміністрацыі Варшаўскага ўніверсітэта[d] Калумбійскі ўніверсітэт
Дзейнасць:	палітык, дыпламат, выкладчык універсітэта, фермер
Месца працы:	Варшаўскі ўніверсітэт Беластоцкі ўніверсітэт
Член у:	Парламенцкая асамблея Савета Еўропы[d]
Веравызнанне:	каталік
Нараджэнне:	13 верасня 1950(1950-09-13) (69 гадоў) Варшава
Дзеці:	Tomasz Cimoszewicz[d]
Узнагароды:	праграма Фулбрайта[d]

У часы Польскай Народнай Рэспублікі з'яўляўся старшынёй Аб'яднання польскіх студэнтаў у Варшаўскім універсітэце і членам ПАРП. Пасля скасавання ПНР ён не ўступіў у створаную ў 1990 годзе Сацыял-дэмакратычную партыю Польшчы, але ў 1999 годзе стаў членам Саюза дэмакратычных левых сіл. Быў прэм'ер-міністрам Польшчы ў 1996—1997 гадах. Быў міністрам замежных спраў ва ўрадзе Лешака Мілера (2001—2004), а затым ва ўрадзе Марака Белькі (2004—2005). Маршал (старшыня) Сойма Польшчы (2005) і адзін з кандыдатаў на пасаду прэзідэнта ў 1990 (у першым туры атрымаў 9,21 % і заняў 4 месца) і 2005 (адмовіўся). Пасля 2005 года не прымаў удзелу ў палітыцы.

У кастрычніку 2007 года быў, аднак, абраны ў Сенат як адзіны беспартыйны кандыдат.

Сям’я

Сын Марыяна і Рэнаты Цімашэвічаў. Сям’я маці паходзіць з Валыні, бацькі — з Ваўкавыска, адкуль падчас Першай сусветнай вайны эвакуіравалася ў Сімбірск, дзе і нарадзіўся Марыян Цімашэвіч, будучы польскі ваенны, палкоўнік. Сёння ў Беларусі пражывае вельмі шмат сваякоў Уладзімежа Цімашэвіча. У 1972 Уладзімеж ажаніўся з Барбарай Апановіч з Падляшша, мае з ёй дачку Малгажату і сына Тамаша.