Уладзімір Іванавіч Торчык

Уладзімір Іванавіч Торчык (нар. 30 верасня 1954, в. Бечы, Жыткавіцкі раён, Гомельская вобласць) — беларускі вучоны ў галіне інтрадукцыі і зялёнага будаўніцтва. Член-карэспандэнт (2017), доктар біялагічных навук (2012), дацэнт (2014).

Уладзімір Іванавіч Торчык
Дата нараджэння	30 верасня 1954(1954-09-30) (70 гадоў)
Месца нараджэння	Бечы, Азяранскі сельсавет, Тураўскі раён, Гомельская вобласць, БССР, СССР
Грамадзянства	Беларусь
Месца працы	Цэнтральны батанічны сад Нацыянальнай акадэміі навук Беларусі
Навуковая ступень	доктар біялагічных навук (2012)
Навуковае званне	член-карэспандэнт НАН Беларусі (2017) дацэнт (2014)
Альма-матар	Беларускі тэхналагічны інстытут імя С. М. Кірава (1980)

Біяграфія

Скончыў Беларускі тэхналагічны інстытут імя С. М. Кірава (1980).

З 1980 года ў Цэнтральным батанічным садзе АН БССР, з 2017 года загадчык лабараторыі.

Навуковая дзейнасць

Распрацаваў і ўкараніў новы навуковы напрамак у зялёным будаўніцтве ў Беларусі і краінах СНД — мабільнае кантэйнернае азеляненне гарадоў, якое ўключае крытэрыі падбору асартыменту, тэхналогію падрыхтоўкі пасадачнага матэрыялу і агратэхніку ўтрымання раслін з улікам іх алелапатычнага ўзаемаўплыву і тэмпаў развіцця. Прапанаваў і эксперыментальна абгрунтаваў новы метадычны падыход у інтрадукцыйным пошуку перспектыўных дэкаратыўных садовых формаў для зялёнага будаўніцтва, які забяспечвае скарачэнне тэрмінаў іх першаснай ацэнкі. Усталяваў лімітыруючыя экалагічныя фактары для кантэйнернай культуры новай дэкаратыўнай групы драўняных раслін з карлікавым ростам; выявіў адрозненні ў антагенезе культывараў і зыходных відаў. На аснове прапанаванага ім метаду селекцыі з выкарыстаннем спантанных саматычных мутацый ўпершыню атрыманы айчынныя гатункі дэкаратыўных формаў іглічных відаў з выяўленым карлікавым ростам. Арганізатар і стваральнік ў Рэспубліцы шэрагу калекцый дэкаратыўных раслін. Вывучыў уплыў абіятычных і біятычных фактараў на рызагенез стябловых чаранкоў, ўстойлівасць і прадуктыўнасць інтрадуцэнтаў і рэдкіх лясных відаў. На гэтай аснове распрацаваў і ўкараніў тэхналогіі вырошчвання пасадачнага матэрыялу больш за 100 гатункаў дэкаратыўных раслін, стварэння плантацый высокапрадукцыйных інтрадуцэнтаў і захавання рэліктавага для Беларусі віду — піхты белай.

Аўтар больш за 140 навуковых прац, у тым ліку 10 манаграфій і калектыўных навуковых прац, 33 гатункаў дэкаратыўных іглічных раслін.

Бібліяграфія

• Декоративные садовые формы хвойных растений. Минск, 2007 (в соавт.).
• Контейнерное озеленение: научные основы использования древесных растений. Минск, 2009.
• Ризогенез у декоративных садовых форм хвойных растений и способы его интенсификации. Минск, 2017 (в соавт.).

Спасылкі

• Уладзімір Іванавіч Торчык у базе даных «История белорусской науки в лицах» Цэнтральнай навуковай бібліятэкі імя Якуба Коласа НАН Беларусі (руск.)