Уладзімір Аляксеевіч Варава

Уладзімір Аляксеевіч Варава (26 ліпеня 1896, в. Вялікія Жухавічы, цяпер Карэліцкі раён — 4 мая 1929) — беларускі пісьменнік і журналіст.

Уладзімір Варава
Асабістыя звесткі
Імя пры нараджэнні	Уладзімір Аляксеевіч Варава
Дата нараджэння	26 чэрвеня 1896(1896-06-26)
Месца нараджэння	Вялікія Жухавічы, Навагрудскі павет, Мінская губерня, Расійская імперыя
Дата смерці	4 мая 1929(1929-05-04) (32 гады)
Грамадзянства	СССР
Альма-матар	Мінскі дзяржаўны політэхнічны каледж
Месца працы	Народны камісарыят земляробства БССР Жыццё Беларуса (1925) Слуцкі край[d]
Прафесійная дзейнасць
Род дзейнасці	пісьменнік, журналіст
Мова твораў	беларуская
Творы ў Вікікрыніцах
Медыяфайлы на Вікісховішчы

Вядомы японскі пісьменнік Удзяко Акіта з групай беларускіх пісьменнікаў: стаяць Уладзімір Варава, Паўлюк Шукайла, Удзяко Акіта, Макар Шалай, сядзяць Алесь Гародня, Янка Відук

Нарадзіўся ў сялянскай сям’і. У 1920 г. працаваў у Жухавіцкім валасным рэўкаме, пасля — у Народным камісарыяце земляробства БССР. Адначасова вучыўся ў Мінскім політэхнікуме. З 1921 г. — у Заходняй Беларусі, удзельнічаў у беларускім нацыянальным руху, друкаваўся ў заходнебеларускай перыёдыцы. Арыштоўваўся польскімі ўладамі. У 1925 г. рэдагаваў газету Грамады «Жыццё беларуса». Неўзабаве нелегальна перайшоў у БССР. Працаваў намеснікам рэдактара акруговай газеты «Вясковы будаўнік» (Слуцк). З 1926 г. — у Мінскім акруговым зямельным аддзеле. Уваходзіў у аб’яднанне Літаратурна-мастацкая камуна, удзельнічаў у выданні яе часопіса «Росквіт» (1927—1928). Пісаў апавяданні, артыкулы, фельетоны.

Літаратура

• Кошур С. Родам з Карэліччыны. — Навагрудак, 1996.
• Варава Уладзімір // Беларускія пісьменнікі: Біябібліяграфічны слоўнік. У 6 т. / пад рэд. А. І. Мальдзіса. — Мн.: Беларуская Энцыклапедыя, 1992—1995. Т. 1. С. 513.