Уладзімір Андрэевіч Бабкоў

вучоны

Уладзімір Андрэевіч Бабко́ў[1] (нар. 22 лютага 1939) — гісторык і палітолаг, доктар гістарычных навук (1978), прафесар (1983), член-карэспандэнт НАН Беларусі (1989). Заслужаны дзеяч навукі Рэспублікі Беларусь.

Уладзімір Андрэевіч Бабкоў
Дата нараджэння 22 лютага 1939(1939-02-22) (82 гады)
Месца нараджэння
Грамадзянства
Род дзейнасці вучоны
Навуковая сфера гісторык[d] і палітолаг[d]
Месца працы
Навуковая ступень доктар гістарычных навук (1978) і член-карэспандэнт НАН Беларусі (1989)
Навуковае званне
Альма-матар
Узнагароды
Заслужаны дзеяч навукі Рэспублікі Беларусь

БіяграфіяПравіць

Нарадзіўся ў вёсцы Салтанаўка[2] (Жлобінскі раён Гомельскай вобласці Беларусі). У 1963 годзе скончыў Беларускі дзяржаўны ўніверсітэт. Працаваў літработнікам, загадчыкам аддзела шэрагу раённых і рэспубліканскіх газет, карэспандэнтам Дзяржаўнага камітэта БССР па радыёвяшчанні і тэлебачанні. У 1969 годзе скончыў аспірантуру пры Беларускім дзяржаўным інстытуце народнай гаспадаркі і абараніў кандыдацкую дысертацыю. У 1969—1990 гадах працаваў у Інстытуце гісторыі партыі пры ЦК КПБ на пасадах старшага навуковага супрацоўніка, загадчыка сектара[3]. З 1991 года галоўны навуковы супрацоўнік Аддзела інфармацыі па грамадскіх навуках Акадэміі навук Беларусі. У 1992—2002 гадах працаваў у Беларускім дзяржаўным эканамічным універсітэце на пасадзе загадчыка кафедры і адначасова (з 1993 года[3]) дырэктар Мінскага навукова-даследчага інстытута сацыяльна-эканамічных і палітычных праблем. З 2007 года галоўны навуковы супрацоўнік, загадчык аддзела Інстытута эканомікі Нацыянальнай акадэміі навук Беларусі. З 2011 года У. А. Бабкоў на пасадзе загадчыка кафедры «Паліталогія, сацыялогія і сацыяльнае кіраванне» факультэта тэхналогій кіравання і гуманітарызацыі Беларускага нацыянальнага тэхнічнага ўніверсітэта[4].

Навуковая і грамадская дзейнасцьПравіць

Працы па праблемах гісторыі, партыйнага будаўніцтва КПСС і КПБ, паліталогіі і рэгіянальнай палітыкі. Даследаванні ў галіне праблем жыццядзейнасці КПСС і КПБ, гісторыі стварэння і функцыянавання ў сучасным беларускім грамадстве іншых палітычных партый і рухаў. У шэрагу прац даецца аналіз характару палітычных працэсаў у сучасным беларускім грамадстве, разгляд праблем узаемадзеяння ўлады і насельніцтва, стварэння эфектыўнай сістэмы дзяржаўнага будаўніцтва, навуковы аналіз стану і перспектыў развіцця беларуска-расійскіх адносін[3].

Прэзідэнт Беларускай асацыяцыі палітычных навук з 1993[5] года.

Аўтар больш за 200 навуковых прац, у тым ліку аўтар і сааўтар 14[3] манаграфій. Сярод апублікавнага:

  • Качественный рост партии и организация партийных сил / В. А. Бобков; Ин-т истории партии при ЦК КПБ − филиал Ин-та марксизма-ленинизма при ЦК КПСС. — Минск: Беларусь, 1977.
  • Научный подход в партийной работе. — М., 1985.
  • Возрождение духа ленинизма: [монография] / В. А. Бобков. — М.: Политиздат, 1989.
  • Палiтычныя партыi i грамадска-палiтычныя рухi Беларусi. — Мн., 1993.
  • Политология: учеб. / [В. А. Бобков и др.]; под ред. В. А. Бобкова, И. Н. Браима. — Минск: Интерпрессервис; УП «Экоперспектива», 2003.
  • Стратегические интересы: поиск баланса. // Беларуская думка. − 2009. − № 4. − С. 56—63.

Зноскі

ЛітаратураПравіць

СпасылкіПравіць