Уладзімір Аркадзевіч Мацвееў

Уладзімір Аркадзевіч Мацве́еў (13 сакавіка 1956 г., Віцебск) — беларускі інфекцыяніст, доктар медыцынскіх навук, прафесар.

Уладзімір Аркадзевіч Мацвееў
Дата нараджэння	13 сакавіка 1956(1956-03-13) (68 гадоў)
Месца нараджэння	Віцебск, Віцебская вобласць, БССР, СССР
Грамадзянства	СССР  Беларусь
Род дзейнасці	урач, навуковец, інфекцыяніст, выкладчык універсітэта
Навуковая сфера	інфекталогія
Месца працы	Віцебскі дзяржаўны медыцынскі ўніверсітэт, БелМАПА
Навуковая ступень	доктар медыцынскіх навук
Навуковае званне	прафесар
Альма-матар	Віцебскі дзяржаўны медыцынскі ўніверсітэт
Узнагароды

Біяграфія

У 1979 годзе з адзнакай скончыў Віцебскі медыцынскі інстытут. З 1980 па 1982 год працаваў урачом рэаніматолагам ў Віцебскай інфекцыйнай клінічнай бальніцы, з 1982 па 1988 год — старэйшым лабарантам кафедры інфекцыйных хвароб Віцебскага дзяржаўнага медыцынскага ўніверсітэта. У 1983 годзе паступіў у завочную мэтавую аспірантуру Інстытута вірусалогіі імя Д. І. Іваноўскага АМН СССР, у 1987 годзе ў вучоным савеце названага інстытута абараніў кандыдацкую дысертацыю па спецыяльнасці «Інфекцыйныя хваробы» на тэму «Фарміраванне хранічнага гепатыту В і значэнне імуннага статусу хворага».

З 1988 па 1997 год паслядоўна працаваў у якасці асістэнта, дацэнта, прафесара кафедры педыятрыі ВДМУ па курсе дзіцячых інфекцыйных хвароб, з 1998 г. — загадчык названым курсам. У 1997 г. у навуковым савеце Санкт-Пецярбургскай акадэміі паслядыпломнай адукацыі абараніў доктарскую дысертацыю на тэму «Цытамегалавірусная інфекцыя ў дзяцей (клініка-эпідэміялагічныя і імунапатагенетычныя аспекты)» па спецыяльнасці «Інфекцыйныя хваробы». У 2003 г. ВАК Рэспублікі Беларусь прысвоена вучонае званне «Прафесар» па спецыяльнасці «Клінічная медыцына». З кастрычніка 2005 года — загадчык кафедры інфекцыйных хвароб БелМАПА.

«Выдатнік аховы здароўя Рэспублікі Беларусь». Аўтар 120 навуковых прац, навучальнага дапаможніка «Інфекцыйныя хваробы ў дзяцей». У цяперашні час асноўныя навуковыя інтарэсы сканцэнтраваныя ў галіне ВІЧ-інфекцыі, апартуністычных інфекцый, вакцынапрафілактыкі, прыроджаных і перынатальных інфекцый.

Літаратура

• Беларуская энцыклапедыя: У 18 т. Т. 10: Малайзія — Мугаджары / Рэдкал.: Г. П. Пашкоў і інш. — Мн. : БелЭн, 2000. — Т. 10. — С. 228. — 10 000 экз. — ISBN 985-11-0035-8. — ISBN 985-11-0169-9 (т. 10).

Спасылкі

• Мацвееў Уладзімір Аркадзьевіч на сайце анлайн-энцыклапедыі «Беларусь у асобах і падзеях»