Уладзімір Васілевіч Анічэнка

Уладзімір Васільевіч Анічэ́нка (20 ліпеня 1924, Янаўка, Хоцімскі раён, Магілёўская вобласць — 2 лютага 2001) — беларускі мовазнавец, доктар навук (1970), прафесар. Заслужаны дзеяч навукі БССР (1976).

Уладзімір Васільевіч Анічэнка
Дата нараджэння	20 ліпеня 1924(1924-07-20)
Месца нараджэння	Янаўка, Янаўскі сельсавет[d], Хоцімскі раён, Магілёўская вобласць, БССР, СССР
Дата смерці	2 лютага 2001(2001-02-02) (76 гадоў)
Месца смерці	Гомель, Гомельская вобласць, Беларусь
Грамадзянства	СССР  Беларусь
Род дзейнасці	мовазнавец
Навуковая сфера	мовазнаўства
Месца працы	Інстытут мовазнаўства НАНБ Гомельскі дзяржаўны ўніверсітэт імя Францыска Скарыны
Навуковая ступень	доктар філалагічных навук
Навуковае званне	прафесар
Альма-матар	БДУ
Узнагароды і прэміі	Дзяржаўная прэмія БССР

Біяграфія

Скончыў БДУ ў 1952 годзе, аспірантуру Інстытуту мовазнаўства, кандыдат навук (1955).

У час 2-й сусветнай вайны — удзельнік чэшскага антыфашысцкага супраціўлення.

У 1955—1970 гадах у Інстытуце мовазнаўства АН БССР, з 1970 г. загадчык кафедрай Гомельскага ўніверсітэта.

У навуцы

Даследаваў гісторыю беларускай мовы. Вывучаў (1960-я гг.) беларуска-украінскія пісьмова-моўныя сувязі старажытнай пары. Стваральнік гомельскай школы беларусістыкі, ініцыятар вывучэння мовы Усходняга Палесся і стварэння анамастычных слоўнікаў Гомельшчыны. Даследаваў спадчыну Скарыны і Янкі Купалы. Адзін з аўтараў «Гістарычнай лексікалогіі беларускай мовы» (1970).

Выхаваў больш за 20 кандыдатаў і дактароў навук мовазнаўства.

Працы

Асабіста

• «Лінгвістычная Скарыніяна», цыкл прац.
  • «Слоўнік мовы Скарыны». У 3 т.
• «Беларуска-ўкраінскія пісьмова-моўныя сувязі». — Мн., 1969, доктарская дысертацыя.
• «Александрыя», выданне рукапісаў твору прыгожага пісьменства 17 ст.
• «Марфалогія ўсходнеславянскіх моў». — Мн., 1973
• «Беларускі казачны эпас». — Мн., 1976
• «Гістарычная лексікалогія ўсходнеславянскіх моў». — Гомель, 1978

Супольна

• «Хрэстаматыя па гісторыі беларускай мовы». У 2 т. (у сааўтарстве).
• «Слоўнік мовы Янкі Купалы». У 8 т., як кіраўнік калектыву лексіколагаў.

Узнагароды

Узнагароджаны ордэнамі Вялікай Айчыннай вайны II ступені, «Чэхаславацкі партызан» і інш. Дзяржаўная прэмія Беларусі ў галіне навукі (за цыкл прац «Лінгвістычная Скарыніяна»), медаль імя Скарыны.

Літаратура

• Д. Паўлавец. Руплівец мовазнаўчай нівы // Беларуская лінгвістыка. — Вып.49. — Мн., 2000. — С. 90, 91.

Спасылкі

• Анічэнка Уладзімір Васільевіч (1924)