Уладзімір Глебавіч Сакалоў

Уладзімір Глебавіч Сакалоў — беларускі этнограф і фалькларыст 2-й пал. XIX ст. Член Мінскага губернскага статыстычнага камітэта, Рускага геаграфічнага таварыства.

Уладзімір Глебавіч Сакалоў
Грамадзянства	Расійская імперыя
Род дзейнасці	этнограф, фалькларыст
Месца працы	Мінскі губернскі статыстычны камітэт[d]
Член у	Рускае геаграфічнае таварыства

3 1863 жыў у Мінскай губерні, працаваў у Тураве, Мазыры міравым пасрэднікам, надворным саветнікам, міравым суддзёю. Друкаваўся ў «Минских губернских ведомостях», «Минских епархиальных ведомостях» і інш. Аўтар артыкулаў: «Нарысы нораваў Барысаўскага павета», «Нарысы народных святкаванняў і маленняў на Палессі», «Палессе: Паездка на возера Князь-Жыд», «Ліст з Палесся» (усе 1869), «Тураўская кантата св. Іаану Хрысціцелю» (1879), «Дзе мошчы св. Кірылы Тураўскага?» (1884). Адзін з першых запісаў легенды пра Князь-возера. Рабіў этнаграфічныя замалёўкі.

Літаратура

• Лозка А. Сакалоў // Энцыклапедыя гісторыі Беларусі. У 6 т. Т. 6. Кн. 1: Пузыны — Усая / Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн. : БелЭн, 2001. — 10 000 экз. — ISBN 985-11-0214-8.