Уладзімір Пятровіч Грамовіч

Уладзімір Пятровіч Грамовіч (нар. 30 верасня 1948, Мінск) — беларускі акцёр тэатра лялек. Заслужаны артыст Беларускай ССР (1979).

Уладзімір Пятровіч Грамовіч
Дата нараджэння	30 верасня 1948(1948-09-30) (76 гадоў)
Месца нараджэння	Мінск, БССР, СССР
Прафесія	акцёр
Тэатр	Беларускі дзяржаўны тэатр лялек
Член у	БСТД
Узнагароды	Крыштальны анёлак (2011)

Біяграфія

З 1967 года працуе ў Дзяржаўным тэатры лялек Беларусі.

Член Беларускага саюза тэатральных дзеячаў з 1969 года.

Творчасць

Яго персанажы-лялькі арганічныя, выразныя, каларытныя. У спектаклях для дзяцей сыграў ролі: Дзед («Дзед і Жораў» В. Вольскага), кот Максім («Граф Глінскі-Папялінскі» А. Вольскага), Першы прыдворны («Салавей» паводле Х. К. Андэрсена), Іван («Канёк-Гарбунок» паводле П. Яршова), Жак («Кот у ботах» Г. Уладычынай). Найбольш поўна раскрылася індывідуальнасць акцёра ў рэпертуары для дарослых: Адам («Боская камедыя» І. Штока), Іван («Да трэціх пеўняў» В. Шукшына), Іван Бяздомны («Майстар і Маргарыта» паводле М. Булгакава), Апалон («Цудоўная Галатэя» С. Дарваша і Б. Гадара), Гаспадар таверны («Зорка і смерць Хаакіна Мур’еты» паводле П. Нэруды) і інш.

Літаратура

• Грамовіч Уладзімір Пятровіч // Беларуская энцыклапедыя: У 18 т. Т. 5: Гальцы — Дагон / Рэдкал.: Г. П. Пашкоў і інш. — Мн. : БелЭн, 1997. — Т. 5. — 576 с. — 10 000 экз. — ISBN 985-11-0035-8. — ISBN 985-11-0090-0 (т. 5).