Адкрыць галоўнае меню

Уладзімір Пятровіч Кандрусевіч

беларускі кампазітар
(Пасля перасылкі з Уладзімір Кандрусевіч)

Уладзі́мір Пятро́віч Кандрусе́віч (нар. 29 жніўня 1949, Гродна, БССР) — беларускі кампазітар. Лаўрэат Дзяржаўнай прэміі Беларусі.[1]

Уладзімір Пятровіч Кандрусевіч
Род дзейнасці: кампазітар
Дата нараджэння: 29 жніўня 1949(1949-08-29) (69 гадоў)
Месца нараджэння:
Альма-матар:
Узнагароды і прэміі:

Змест

БіяграфіяПравіць

Нарадзіўся ў Гродне. Яго бацька, кравец, любіў спяваць, Рыгор Шырма запрашаў яго ў свой славуты калектыў.

Хадзіў у музычную школу, хоць вельмі не хацеў. Першыя спробы напісання ўласных сачыненняў з’явіліся ў музычнай вучэльні. Беларускую кансерваторыю закончыў двойчы, спачатку як піяніст. У студэнцкія гады захапляўся «The Beatles», іграў на гітары. Іграў на танцах, у Доме культуры 1-га цагельнага завода. Пасля атрымання адукацыі год працаваў канцэртмайстрам у Оперным тэатры. Потым паступіў у кансерваторыю другі раз, ужо на кампазіцыю, у клас Яўгена Глебава.[2]

ТворчасцьПравіць

Напісаў музыку больш чым да 200 спектакляў і 32 фільмаў, удастоены Дзяржаўнай прэміі Рэспублікі Беларусь у галіне літаратуры, мастацтва і архітэктуры за стварэнне музыкі да балета «Мефіста», мюзіклаў «Шклянка вады», «Джулія», «Соф’я Гальшанская», «Байкер». Мюзікл «Соф’я Гальшанская», пастаўлены ў Беларускім дзяржаўным акадэмічным музычным тэатры, атрымаў Нацыянальную тэатральную прэмію.

Поўнаметражныя ігравыя фільмы «Кіндэрвілейскі прывід» і «Рыжык у Залюстроўі», аўтар музыкі да якіх – Уладзімір Кандрусевіч, атрымалі высокую ацэнку на розных кінафестывалях.

Адным з этапаў творчага шляху Уладзіміра Кандрусевіча стала супрацоўніцтва з прадзюсерскім цэнтрам «Спамаш».[3]

Зноскі

СпасылкіПравіць