Уладзімір Лаўрэнавіч Рагуцкі

Уладзімір Лаўрэнавіч Рагуцкі (9 снежня 1917; вёска Цёплае, Чавускі раён, Магілёўская вобласць — 1941) — беларускі паэт.

Уладзімір Лаўрэнавіч Рагуцкі
Асабістыя звесткі
Дата нараджэння	9 снежня 1917(1917-12-09)
Месца нараджэння	Цёплае, Быхаўскі павет, Магілёўская губерня, Заходняя вобласць, РСФСР
Дата смерці	1941
Грамадзянства	СССР
Альма-матар	Мінскі дзяржаўны педагагічны інстытут імя А. М. Горкага (1939)
Месца працы	За Радзіму
Прафесійная дзейнасць
Род дзейнасці	паэт
Мова твораў	беларуская
Творы ў Вікікрыніцах

Біяграфія

Нарадзіўся ў настаўніцкай сям'і. Біяграфічныя звесткі пра У. Рагуцкага вельмі скупыя. Вучыўся ў школе ў вёсцы Старое Пашкава Магілёўскага раёна, дзе яго настаўнікам быў беларускі паэт Я. Журба. Затым паступіў на літаратурны факультэт Мінскага педінстытута. Пасля заканчэння інстытута (1939) працаваў у абласной газеце «Камунар Магілёўшчыны», адкуль быў прызваны ў армію. Загінуў на фронце.

Творчасць

Першы верш (У лагеры) У. Рагуцкі надрукаваў у 1934 годзе ў газеце «Піянер Беларусі». У 1940 г. Дзяржаўнае выдавецтва БССР прыняло да друку першы зборнік яго вершаў, рукапіс якога загінуў у час вайны. Асобныя творы паэта змешчаны ў калектыўных зборніках Мы іх не забудзем, Крывёю сэрца, Покліч долі адзінай. Тэматыка вершаў У. Рагуцкага пераважна звязана з жыццём дзяцей. Пакінуў таксама ўзоры пейзажнай і інтымнай лірыкі.

Літаратура

• Беларускія пісьменнікі: Біябібліягр. слоўн.: У 6 т. Т. 5.- Мн., 1995.- С.123.

Спасылкі

• Рагуцкі Уладзімір (з фота)(недаступная спасылка)