Уладзімір Мікалаевіч Каральчук

Уладзімір Мікалаевіч Каральчу́к (нар. 8 ліпеня 1958, Мінск) — беларускі кампазітар.

Уладзімір Мікалаевіч Каральчук
Дата нараджэння	8 ліпеня 1958(1958-07-08) (65 гадоў)
Месца нараджэння	Мінск, БССР, СССР
Альма-матар	Беларуская дзяржаўная акадэмія музыкі (1982, 1992)
Музычная дзейнасць
Прафесіі	кампазітар
Грамадская дзейнасць
Член у	Саюз музычных дзеячаў Беларусі Беларускі саюз кампазітараў

Біяграфія

Скончыў Беларускую кансерваторыю ў 1982 годзе па класе баяна, і ў 1992 годзе па класе кампазіцыі Дз. Смольскага.

Член Беларускага саюза музычных дзеячаў з 2000 года, член Беларускага саюза кампазітараў з 1992 года.

Творчасць

Працуе ў розных жанрах. Музычная мова твораў абапіраецца на асаблівасці стылю сучаснай музыкі. Сярод твораў: кантата «Успамін» (1991); сімфоніі (1994, 1997, для сімфанічнага аркестра і саліруючага трамбона); «Сумны канцэрт» для флейты з сімфанічнага аркестра (1992); канцэрты для кантрабаса (1990), для альта (1996), для баяна і віяланчэлі (1998) і камернага аркестра; камерна-інструментальныя (у т. л. саната для трамбона і фартэпіяна, 1991) і вакальныя (у т. л. «Musica Doloroso» для барытона і камернага ансамбля, 1993) творы.

Літаратура

• Каральчук Уладзімір Мікалаевіч // Беларуская энцыклапедыя: У 18 т. Т. 8: Канто — Кулі / Рэдкал.: Г. П. Пашкоў і інш. — Мн. : БелЭн, 1999. — Т. 8. — 576 с. — 10 000 экз. — ISBN 985-11-0035-8. — ISBN 985-11-0144-3 (т. 8).