Уладзімір Іосіфавіч Навіцкі
Уладзімір Іосіфавіч Навіцкі (нар. 21 кастрычніка 1939, ст. Боркавічы, Верхнядзвінскі раён, Беларусь) — доктар гістарычных навук, прафесар, в. а. намесніка дырэктара Інстытута гісторыі Нацыянальнай акадэміі навук Беларусі па навуковай рабоце.
| Уладзімір Іосіфавіч Навіцкі | |
|---|---|
 | |
| Дата нараджэння | 21 кастрычніка 1939 (80 гадоў) |
| Месца нараджэння | Боркавічы, Верхнядзвінскі раён, Віцебская вобласць, БССР |
| Грамадзянства | |
| Род дзейнасці | вучоны |
| Навуковая сфера | гісторыя |
| Месца працы | Акадэмія кіравання пры Прэзідэнце Рэспублікі Беларусь |
| Навуковая ступень | доктар гістарычных навук |
| Альма-матар | Гістарычны факультэт БДУ |
| Узнагароды і прэміі |
 |
БіяграфіяПравіць
Скончыў Полацкі лясны тэхнікум (1958), працаваў у Ласіцкім лясніцтве Пінскага лясгаса. У 1958-1961 гадах - служыў на флоце. Пасля скончыў гістарычны факультэт БДУ (1966), працаваў кіраўніком лектарскай групы Гродзенскага абкама камсамола, лектарам ЦК ЛКСМБ, дырэктарам Рэспубліканскай камсамольскай школы пры ЦК ЛКСМБ. З 1971 года знаходзіўся на партыйнай рабоце ў Мінскім райкаме КПБ, партыйным камітэце АН БССР. З 1984 года старшы, вядучы навуковы супрацоўнік, загадчык сектара, аддзела нацыянальна-культурнага развіцця Беларусі. З 1973 года - малодшы навуковы супрацоўнік Інстытута гісторыі Акадэміі навук БССР. З 1984 года - старшы, затым - вядучы навуковы супрацоўнік, загадчык сектара, загадчык аддзела гісторыі нацыянальна-культурнага развіцця Беларусі, в.а. намесніка дырэктара Інстытута гісторыі Акадэміі навук НАН Беларусі.
Навуковая дзейнасцьПравіць
Аўтар больш за 150 прац, у тым ліку больш за 20 манаграфій па праблемах грамадска-палітычнага жыцця ў савецкі час, гісторыі культуры і канфесій у ХIХ—ХХ ст.
Выбраная бібліяграфіяПравіць
- Участие Ленинского комсомола Белоруссии в борьбе за подъём народного образования (1920—июнь 1941 гг.). — Мн., 1979. (разам з Я. Новікам);
- Белорусская ССР: курсом перестройки. — Мн., 1989. (разам з І. Марчанкам);
- Гісторыя культуры Беларусі. — Мн., 1995, 1997 (разам з Л. Лычом);
- Гісторыя рабочага класа Беларускай ССР. — Т.4. — Мн., 1995;
- Нарысы гісторыі Беларусі. ч. 2. — Мн., 1995;
- Канфесіі на Беларусі (канец ХVIII—ХХ стст.) — Мн., 1998;
- Очерки истории белорусов в Сибири в IХ—ХХ вв. — Новосибирск, 2001, 2002.
Зноскі
ЛітаратураПравіць
- Навіцкі Уладзімір Іосіфавіч // Беларуская энцыклапедыя: у 18 т. / рэдкал.: Г.П. Пашкоў [і інш.]. – Мн., 2000. – Т. 11. – С. 106.
- Навіцкі Уладзімір Іосіфавіч // Памяць: гісторыка-дакументальная хроніка Верхнядзвінскага раёна: у 2 кн. / рэдкал.: У.С. Богаў [і інш.]. – Мн., 2000. – Кн. 2. – С. 244.