Уладзімір Пракопавіч Белавусаў

Уладзі́мір Прако́павіч Белаву́саў (1 студзеня 1921, вёска Слабодка, Шумілінскі раён, Віцебская вобласць — 24 кастрычніка 2006) — беларускі савецкі кінамастак. Заслужаны дзеяч мастацтваў БССР (1973).

Уладзімір Пракопавіч Белавусаў
Дата нараджэння	1 студзеня 1921(1921-01-01)
Месца нараджэння	Слабодка, Полацкі павет, Віцебская губерня, РСФСР
Дата смерці	24 кастрычніка 2006(2006-10-24) (85 гадоў)
Грамадзянства	СССР  Беларусь
Адукацыя	Усерасійскі дзяржаўны ўніверсітэт кінематаграфіі імя С. А. Герасімава (1954)
Месца працы	Беларусьфільм
Прафесія	мастак кіно
Прэміі
Узнагароды
IMDb	ID 0069455

Біяграфія

Скончыў Усесаюзны інстытут кінематаграфіі ў Маскве ў 1954. Працаваў на кінастудыі «Беларусьфільм» (1954—1983). Удзельнік мастацкіх выставак з 1952 года. Член БСМ з 1958 года.

Аформіў мастацкія фільмы: «Палеская легенда», «Чырвонае лісце» (абодва з А. Грыгар’янцам), «Строгая жанчына», «Першыя выпрабаванні» (з Ю. Булычовым), «Рагаты бастыён», «Чужое імя», «Таму што кахаю», «Шлюбная ноч»; тэлефільмы «Побач з намі», «Руіны страляюць...», «Доўгія вёрсты вайны», «Лёгка быць добрым», «Антаніна Брагіна».

Сярод жывапісных работ: «На рацэ», «Рэйкавая вайна», «Апошнія дні вайны», «Беларускі пейзаж», «Возера Нарач».

Работы знаходзяцца ў Нацыянальным мастацкім музеі Беларусі, Музеі гісторыі беларускага кіно, фондах БСМ, Музеі сучаснага выяўленчага мастацтва ў Мінску.

Званні і ўзнагароды

• Заслужаны дзеяч мастацтваў Беларусі (1973).
• Лаўрэат Дзяржаўнай прэміі Беларусі (1974) за тэлефільм «Руіны страляюць…».

Літаратура

• Белавусаў Уладзімір Пракопавіч // Беларуская энцыклапедыя: У 18 т. Т. 2: Аршыца — Беларусцы / Рэдкал.: Г. П. Пашкоў і інш. — Мн. : БелЭн, 1996. — Т. 2. — С. 382. — 10 000 экз. — ISBN 985-11-0035-8. — ISBN 985-11-0061-7 (т. 2).
• Белавусаў Уладзімір Пракопавіч // Беларускі саюз мастакоў: энцыклапедычны даведнік / складальнік Б. А. Крэпак. — Мінск, 1998. — С. 79.