Уладзімір Сяргеевіч Бычкоў

Уладзімір Сяргеевіч Бычкоў (руск.: Владимир Сергеевич Бычко́в; 5 студзеня 1929 — 24 красавіка 2004) — савецкі і расійскі кінарэжысёр, сцэнарыст і прадзюсар.

Уладзімір Сяргеевіч Бычкоў
Дата нараджэння	5 студзеня 1929(1929-01-05)
Месца нараджэння	Масква, РСФСР, СССР
Дата смерці	24 красавіка 2004(2004-04-24) (75 гадоў)
Месца смерці	Масква, Расія
Месца пахавання	Ваганькаўскія могілкі
Грамадзянства	СССР  Расія
Адукацыя	Усерасійскі дзяржаўны ўніверсітэт кінематаграфіі імя С. А. Герасімава
Месца працы	Беларусьфільм Кінастудыя імя М. Горкага
Прафесія	кінарэжысёр, акцёр, сцэнарыст, кінапрадзюсар
IMDb	ID 0125733

Біяграфія

У 1947—1949 гадах быў акцёрам дапаможнага складу Тэатра-студыі кінаакцёра. У 1949—1952 гадах вучыўся ў Маскоўскім фінансавым інстытуце. У 1958 годзе скончыў рэжысёрскі факультэт УДІКа (майстэрня С. І. Юткевіча).

У 1962—1967 гадах і з 1982 года працаваў на кінастудыі «Беларусьфільм», у 1968—1979 гадах — на кінастудыі імя М. Горкага. Аўтар некалькіх сюжэтаў у кіначасопісе «Фіціль».

У сваім першым ігравым фільме «Тамбу ламбу» выступіў у якасці рэжысёра і аўтара сцэнарыя. У 1966 годзе стаў лаўрэатам прэміі Усесаюзнага кінафестывалю ў намінацыі «мастацкі фільм для дзяцей і юнацтва» за фільм «Горад майстроў». Фільм пазней быў уключаны часопісам «Мастацтва кіно» ў лік найлепшых дзіцячых фільмаў за сто гадоў існавання кінематографа.

Фільм Бычкова «Жыціе і ўзнясенне Юрася Братчыка» («Хрыстос прызямліўся ў Гародні»), зняты ў 1968 годзе, быў пакладзены ў СССР на паліцу да 1989 года, але, паводле сайта «Кіна-Тэатр», копія фільма была закуплена Ватыканам.

Пахаваны ў Маскве на Ваганькаўскіх могілках.