Уладзімір Якаўлевіч Цэслер

Уладзімір Цэслер (нар. 30 красавіка 1951) — беларускі мастак, дызайнер.

Уладзімір Цэслер
Дата нараджэння	30 красавіка 1951(1951-04-30) (72 гады)
Месца нараджэння	Слуцк, Слуцкі раён, Бабруйская вобласць, БССР, СССР
Грамадзянства	Беларусь
Род дзейнасці	мастак, дызайнер, скульптар
Жанр	дызайн, рэклама
Вучоба	Беларуская дзяржаўная акадэмія мастацтваў
Член у	Каардынацыйная Рада па арганізацыі працэсу пераадолення крызісу Беларускі саюз дызайнераў
Медыяфайлы на Вікісховішчы

Адкрыццё арт-праекта «Разумны металл» у галерэі «Лабірынт» Нацыянальнай бібліятэцы Беларусі 22.10.2014

Біяграфія

Скончыў аддзяленне дызайну факультэта дызайну і дэкаратыўна-прыкладнога мастацтва Беларускага дзяржаўнага тэатральна-мастацкага інстытута (1979).

Жыў і працаваў у Мінску. Пасля прэзідэнцкіх выбараў 2020 года ўвайшоў у склад Каардынацыйнай рады па забеспячэнні трансферу ўлады, пасля чаго быў вымушаны з’ехаць з Беларусі. Па словах Яўгена Ліпковіча, «была настойлівая рэкамендацыя ад улад яму зваліць, калі не хоча, каб яго закаталі ў асфальт, як усіх астатніх». Спачатку прыехаў у Кіеў, пасля выляцеў на Кіпр.

Творчасць

З 1979 года працаваў сумесна з Сяргеем Войчанкам. Міжнародную вядомасць творчы тандэм набыў у першую чаргу ў галіне плакату — больш за 30 узнагарод міжнародных конкурсаў і біенале.

Значныя працы

Шырока вядомы «Праект стагоддзя. 12 з XX» У. Цэслера і С. Войчанкі, у якім дванаццаць самых значных мастакоў XX ст. былі выяўленыя ў выглядзе стылізаваных яек. Праект экспанаваўся ў ГМІІ імя Пушкіна ў Маскве (1999—2000), у Музеі Людвіга пры Дзяржаўным расійскім музеі ў Санкт-Пецярбургу (2000), на Венецыянскай біенале (2005).

Пасля смерці С. Войчанкі У. Цэслер працягвае працаваць у той жа парадаксальнай і вострай манеры, якая разам з ідэальным тэхнічным выкананнем, стала візіткай іх творчага дуэту. Адна з адметных прац гэтага перыяду — серыя оп-арт-абъектаў «Вектарныя тэхналогіі» (2007).

Кірункі творчасці — плакат, графіка, жывапіс, скульптура, аб’ект, мастацкія акцыі, прамысловы дызайн, афармленне кніг, рэклама.

Галерэя

• Маркі Беларусі з творамі Уладзіміра Цэслера
• 
• 

Спасылкі

• Афіцыйная старонка Цэслера і Войчанкі Архівавана 3 студзеня 2019.
• Двенадцать из ХХ (Яйца Цеслера) Архівавана 6 сакавіка 2016. // diary.ru
• Владимир Цеслер: 400 тысяч долларов за яйца? Я попросил больше! // Еўрапейскае радыё для Беларусі
• Адам Глобус «Словы пра мастака Валодзю Цэслера» / Газета «Звязда», 28 лістапада 2014 г.