Уладзімір Якаўлевіч Навуменка
Уладзімір Якаўлевіч Наву́менка[1] (6 лютага 1932 —12 лютага 2005[2]) — вучоны ў галіне эканамічнай геаграфіі і педагог, кандыдат геаграфічных навук (1974), прафесар (1990), Заслужаны работнік вышэйшай школы БССР (1982).
Уладзімір Якаўлевіч Навуменка | |
---|---|
Дата нараджэння | 6 лютага 1932 |
Месца нараджэння | |
Дата смерці | 12 лютага 2005 (73 гады) |
Грамадзянства | СССР, Беларусь |
Род дзейнасці | географ |
Навуковая сфера | геаграфія |
Месца працы | |
Навуковая ступень | кандыдат геаграфічных навук |
Навуковае званне | прафесар |
Альма-матар | |
Член у | |
Узнагароды |
Біяграфія правіць
Нарадзіўся ў вёсцы Васілевічы (сучасны горад у Рэчыцкім раёне Гомельскай вобласці Беларусі). Скончыў сярэднюю школу і паступіў вучыцца на геолага-геаграфічны факультэт Беларускага дзяржаўнага ўніверсітэта, на аддзяленне фізічнай геаграфіі. З 1957 года працаваў у Брэсцкім дзяржаўным педагагічным інстытуце імя А. С. Пушкіна выкладчыкам на кафедры батанікі і геаграфіі. У 1960—1965 гадах займаў пасаду дэкана факультэта, у 1966—1994 гадах — прарэктара па завочнаму навучанню[2]. У 1974 годзе абараніў кандыдацкую дысертацыю на тэму «Структурные и территориальные различия в сельском хозяйстве Брестской области»[2]. З мая 1994 года У. Я. Навуменка на пасадзе прарэктара вучэбнай рабоце і сацыяльна-эканамічным пытанням Брэсцкага дзяржаўнага ўніверсітэта, адначасова са снежня 1994 года — загадчык кафедры геаграфіі Беларусі[2].
Навуковая і грамадская дзейнасць правіць
Навуковыя працы па па гісторыі, прыродзе і гаспадарцы Беларусі. Займаўся У. Я. Навуменка і пытаннямі геаграфічнай адукацыі ў школах, педагагічных і прафесійных вучылішчах. Яго артыкулы ўвайшлі ў «Хрестоматию по географии Белорусской ССР» (1977), «Хрестоматию по экономической географии БССР» (1991), энцыклапедычны даведнік школьніка «Геаграфія Беларусі» (1992) і інш.
Сярод апублікаванага таксама:
- Брест. Историко-экономический очерк. — Брэст, 1970. (2-е выданне — 1977);
- Сельское хозяйство Белоруссии. — Мн., 1988. (разам з Р. А. Жмойдзякам);
- Машынабудаўнічы комплекс Рэспублікі Беларусь: метадычныя ўказанні для геаграфічных факультэтаў / [У. Я. Навуменка і інш.]. — Брэст, 2003.
У 1968 годзе У. Я. Навуменка быў абраны старшынёй Брэсцкага аддзялення Геаграфічнага таварыства БССР. Быў старшынёй Брэсцкага абласнога педагагічнага таварыства, у 1972—1986 гг. членам Беларускага рэспубліканскага камітэта прафсаюза работнікаў адукацыі, вышэйшай школы і навуковых устаноў.
Узнагароды правіць
- Медаль «У азнаменаванне 100-годдзя з дня нараджэння Уладзіміра Ільіча Леніна»
- Значок «Выдатнік адукацыі БССР» (1970)
- Значок «Выдатнік адукацыі СССР» (1979)
- Заслужаны работнік вышэйшай школы БССР (1982)
- Значок «Выдатнік народнай адукацыі Рэспублікі Беларусь» (1999)
Зноскі
- ↑ Беларуская энцыклапедыя: У 18 т. Т. 11: Мугір — Паліклініка / Рэдкал.: Г. П. Пашкоў і інш. — Мн. : БелЭн, 2000. — Т. 11.
- ↑ а б в г Науменко Владимир Яковлевич (руск.) // Сайт геаграфічнага факультэта Брэсцкага дзяржаўнага ўніверсітэта
Літаратура правіць
- Навуменка Уладзімір Якаўлевіч // Беларуская энцыклапедыя: У 18 т. Т. 11: Мугір — Паліклініка / Рэдкал.: Г. П. Пашкоў і інш. — Мн. : БелЭн, 2000. — Т. 11. — 560 с. — 10 000 экз. — ISBN 985-11-0035-8. — ISBN 985-11-0188-5 (т. 11). — С. 112.
Спасылкі правіць
- Науменко Владимир Яковлевич (руск.) // Сайт геаграфічнага факультэта Брэсцкага дзяржаўнага ўніверсітэта імя А. С. Пушкіна
- 2018 г. — 50 гадоў з часу стварэння Брэсцкага аддзялення ГА «Беларускае Геаграфічнае таварыства» (1968) // Краязнаўства Берасцейшчыны
- Навуменка, Уладзімір Якаўлевіч (кандыдат геаграфічных навук; нар. 1932) // Нацыянальная бібліятэка Беларусі
- Навуменка Уладзімір Якаўлевіч на сайце анлайн-энцыклапедыі «Беларусь у асобах і падзеях»