Уладзіслаў Піліпавіч Карлаўскі

Уладзіслаў Піліпавіч Карлаўскі (25 верасня 1933,в. Маўчаны , Рэчыцкі раён, Гомельская вобласць — 19 жніўня 2010) — беларускі вучоны ў галіне меліярацыі і аховы зямель. Акадэмік Нацыянальнай акадэміі навук Беларусі (2003), член-карэспандэнт УАСГНІЛ (1991), акадэмік Акадэміі аграрных навук Рэспублікі Беларусь (1992—2002), замежны член Расійскай акадэміі сельскагаспадарчых навук (1997), доктар тэхнічных навук (1980), прафесар (1982).

Уладзіслаў Піліпавіч Карлаўскі
Дата нараджэння	25 верасня 1933(1933-09-25)
Месца нараджэння	Маўчаны, Рэчыцкі раён, БССР, СССР
Дата смерці	19 жніўня 2010(2010-08-19) (76 гадоў)
Месца смерці	Мінск, Беларусь
Грамадзянства	Беларусь
Род дзейнасці	навуковец
Навуковая сфера	меліярацыя
Месца працы	Інстытут меліярацыі НАН Беларусі
Навуковая ступень	доктар тэхнічных навук (1980)
Навуковае званне	прафесар (1982) замежны член РАСГН[d] (1997) акадэмік Акадэміі аграрных навук Рэспублікі Беларусь[d] (1992) Спіс акадэмікаў НАН Беларусі (2003) прафесар Q4437719?
Альма-матар	Беларуская дзяржаўная сельскагаспадарчая акадэмія (1955) Беларуская дзяржаўная сельскагаспадарчая акадэмія
Узнагароды

Біяграфія

Скончыў Беларускую сельскагаспадарчую акадэмію (1955).

У 1955—1960 гадах начальнік участка, галоўны інжынер Буда-Кашалёўскай і Сенненскай машынна-меліярацыйных станцый, у 1960—1965 гадах аспірант, навуковы супрацоўнік Беларускага НДІ меліярацыі і воднай гаспадаркі. У 1965—1969 гадах начальнік аддзела меліярацыі Дзяржплана БССР, інструктар сельскагаспадарчага аддзела ЦК КПБ. З 1969 года нам. дырэктара па навуковай рабоце, з 1977 года дырэктар Беларускага НДІ меліярацыі і воднай гаспадаркі. У 1987—1997 гадах генеральны дырэктар НВА «БелНІІМіВГ».

З 1997 года галоўны навуковы супрацоўнік Інстытута меліярацыі Нацыянальнай акадэміі навук Беларусі.

Узнагароды

Прэмія Савета Міністраў СССР (1984) за распрацоўку новых тэхналогій і будаўніцтва меліярацыйных сістэм у зімовы перыяд.

Узнагароджаны ордэнамі Працоўнага Чырвонага Сцяга (1976), «Знак Пашаны» (1971), медалём.

Навуковая дзейнасць

Асноўныя навуковыя працы прысвечаны пытанням меліярацыі і водагаспадарчага будаўніцтва. Абгрунтаваў працэсы вытворчасці земляных работ пры будаўніцтве меліярацыйных сістэм на забалочаных тэрыторыях. Прапанаваў новыя тэхналогіі ў будаўніцтве меліярацыйных сістэм у зімовы перыяд. Распрацаваў сродкі механізацыі для выканання рамонтна-эксплуатацыйных работ на меліярацыйных сістэмах.

Аўтар каля 220 навуковых прац, у т.л. 5 манаграфій, 20 аўтарскіх пасведчанняў і 8 патэнтаў на вынаходствы і прамысловыя ўзоры машын.

Бібліяграфія

• Строительство осушительно-увлажнительной сети. Мн.: Ураджай, 1976.
• Мелиорация земель и охрана окружающей среды. Мн.: Ураджай, 1982 (совм. с С. Г. Скоропановым, В. С. Брезгуновым).
• Строительство закрытой осушительной сети. М.: Колос, 1984.

Спасылкі

• Уладзіслаў Піліпавіч Карлаўскі ў базе даных «История белорусской науки в лицах» Цэнтральнай навуковай бібліятэкі імя Якуба Коласа НАН Беларусі (руск.)