Уладзіслаў Сямёнавіч Міляноўскі

Уладзіслаў Сямёнавіч Міляноўскі (1830 — 1892) — інжынер-архітэктар, творчае жыццё якога цесна звязана з Магілёвам.

Уладзіслаў Сямёнавіч Міляноўскі
Дата нараджэння	1830
Дата смерці	1892
Месца пахавання	Польскія могілкі ў Магілёве
Грамадзянства	Беларусь
Альма-матар	Ковенская губернская гімназія[d] (1845) Інстытут грамадзянскіх інжынераў (1853)
Працы і дасягненні
Працаваў у гарадах	Гл. тэкст
Найважнейшыя пабудовы	Аляксандраўскае рэальнае вучылішча
Узнагароды
Медыяфайлы на Вікісховішчы

Біяграфія

Адукацыя

Нарадзіўся ў 1830 годзе. Пачатковую адукацыю атрымаў у Ковенскай гімназіі, пасля чаго паступіў у пецярбургскае Будаўнічае вучылішча, якое скончыў у 1853 годзе са званнем архітэктарскага памочніка і з правам на чын X класа.

Прафесійная дзейнасць

Пасля завяршэння адукацыі пачаў сваю службовую дзейнасць сталаначальнікам у ліфляндскай губернскай дарожнай камісіі, але праз тры месяцы перавёўся ў Магілёў, дзе займаў паслядоўна пасады малодшага архітэктара ў губернскай будаўнічай і дарожнай камісіях (1853-65) і ў губернскім праўленні (1865-75). З 1875 года заняў пасаду губернскага інжынера (некаторыя крыніцы памылкова падаюць што У. Міляноўскі быў губернскім архітэктарам). Адначасова выконваў абавязкі епархіальнага архітэктара (1854-91).

Магіла на Польскіх могілках

Пахаваны на Польскіх могілках у Магілёве.

Творчасць

Аляксандраўскае рэальнае вучылішча ў Магілёве

Абмерны чарцёж Бернардзінскага касцёла ў Магілёве, зроблены Уладзіславам Міляноўскім, 1860-я

Найбольш значная тэхнічная дзейнасць яго ставіцца да 1863-75 гадоў, калі ў Паўночна-Захадным краі будавалася шмат храмаў. На працягу гэтых 13 гадоў ім быў пабудаваны па сваіх і часткова па чужых праектах шэраг сабораў, у тым ліку саборы ў павятовых гарадах Магілёве, Рагачове, Сянне, Быхаве, Чэрыкаве, Клімавічах, пяціглавыя мураваныя цэрквы ў мястэчках Хоцімску і Касцюковічах. Усяго ўзвёў больш 15 мураваных і каля 20 драўляных вясковых цэркваў.

У 1883 годзе кіраваў, саўмесна з архітэктарам Высоцкім, перабудовай і прыстасаваннем былога будынка аб’яднаных грамадзянскай і крымінальнай палат пад будынак для акруговага суда ў Магілёве.

У 1885 годзе У. Міляноўскі пабудаваў па ўласным праекце будынак Аляксандраўскага рэальнага вучылішча ў Магілёве, а ў 1887 годзе кіраваў пабудовай пад’язнога шляху ад Оршы да станцыі Маскоўска-Брэсцкай чыгункі.

На працягу ўсёй сваёй службы, акрамя прамых абавязкаў, Уладзіслаў Сямёнавіч не раз выконваў абавязкі гарадскога і епархіяльнага архітэктара, кіраваў пабудовай мастоў і прыватных будынкаў, рамонтам турмаў, бальніц, багаўгодных устаноў, казармаў, гімназій, прысутных месцаў, губернатарскага дома ў Магілёве і іншае.

Асобныя праекты

Быхаўскі сабор

Чэрыкаўскі сабор на фота М. М. Астанковіча

• Мураваныя саборы:
  • Свята-Аляксандра-Неўскі сабор ў г. Рагачове (не захаваўся)
  • Свята-Мікалаеўскі сабор у г. Сянне (аўтар праекта К. А. Тон; не захаваўся)
  • Свята-Троіцкі сабор у г. Быхаве (не захаваўся)
  • Свята-Троіцкі сабор у г. Чэрыкаве (не захаваўся)
  • Свята-Міхайлаўская царква ў г. Клімавічах
• Мураваныя пяціглавыя цэркві:
  • Свята-Троіцкі сабор у г. Хоцімску
  • Сабор у г. Касцюковічах
• будынак Аляксандраўскага рэальнага вучылішча
• мост падкоснай сістэмы на р. Проні ў г. Чавусах
• пад’язны шлях ад Оршы да ст. Маскоўска-Брэсцкай чыгункі

Грамадская дзейнасць

Больш 20 гадоў займаўся страхавой справай у рускім таварыстве, складаўся дырэктарам магілёўскага папячыцельскага аб турмах камітэту і іншае.

Узнагароды

• ордэн Святога Уладзіміра 4-й ступені
• ордэн Святога Станіслава 2-й ступені
• кавалер ордэна Святой Ганны 2-й ступені
• кавалер ордэна Святой Ганны 3-й ступені
• Медаль у памяць вайны 1853-56

Спасылкі

• Барановский Г. В. Юбилейный сборник сведений о деятельности бывших воспитанников Института гражданских инженеров (Строительного училища) 1842—1892 с. 220